06-14-2022, 10:01 AM
|
مدير عام
|
|
تاريخ التسجيل: Aug 2012
المشاركات: 376,532
|
|
فضفضه مكتئب
السلام عليكم ورحمة الله وبركاته
انا كتبت موضوعي ذا لأن الحياه قافله بوجهي وادور الموت بجحر ضب
انا سلمكم الله قبل ١١ سنه صكني رهاب اجتماعي وبسبب الرهاب واعراضه صابني اكتئاب ذا كلام الدكتور قاله لي
ما اكتشفت مشكلتي والبلا اللي انا فيه قبل ٤ سنوات وبعدها بسنتين حاولت اقنع نفسي اروح طبيب وفعلا رحت
طبعا نصحني وقال حلل فعلا حللت وكل شي سليم من ناحيه فيتامينات وهرمونات الخ
جربت العلاج السلوكي ومانفع معي وجربت الادوية ومانفعت معي سيروكسات و اندرال وزولفت وكثير ادوية جربتها ومانفعت بالعكس زادتني
طبعا لو تسالوني كيف روتينك ووش تسوي انا اقولكم صاك بنفسي بالغرفه ذي بين اربع جدران وكل يوم ابكي وادعي ربي ولو طلعت مافيه شي يبسطني اخلاقي قافله وحالتي حاله لو واحد بس يقول لي سلام عليكم احتمال اتوطى ببطنه من قوه ما الاخلاق قافله
والله ي ناس اني ادور الموت ولا لقيته سجلت عسكريه ابي الحد ان مت شهيد لكن للاسف رفضوني وحاولت انتحر ومن طرقي للانتحار اروح طريق فاضي واشد على السياره لين اطبق الطبلون وافكر اني اخش بجبل جنبي واموت لكن على اخر لحظه تجيني رهبه شديده من الله كيف اقابله وانا منتحر واكثر من مره اروح شارع فاضي افحط لعل وعسى يضرب كفر واتقلب واموت وما احس بشي
لكن بعدين جلست مع نفسي وحطيت نفسي تحت مراقبه الله وتراجعت عن محاولاتي للانتحار
حاليا اهلي زهقوا مني مع انهم عارفين باللي فيني وقد علمتهم لكن للاسف لا حياه لمن تنادي كل شوي ابوي جاي وغاثني انت لمتى عاطل وانت وانت واكثر من مره اقوله يا ابوي صدقني لو اني ماني بمريض ما بمنع نفسي من رزقي وحياتي لكن ذا الشي فوق استطاعتي والله لو اني بصحه وعافيه اني لا اعزك انت وامي لكن كلامي ما اثر فيه ورده كالعاده انت رخمه ومنت برجال طبعا كلامه مايهز فيني شي لان عايش حياه اخيس من كلامه وطبعا اسكت بنهايه ذا ابوي ولا ودي اعصيه واعق فيه
عندي كلام طويل جدا جدا ولا ودي اكمل لو كملت بيصير موضوعي بدون نهايه
انا الحين اللي بطلبه يالمشاهد تخيل نفسك مكاني وحط نفسك وتخيل انك بمصيبه بسببها تتمنى الموت ولا تلقاه ( الله يبعدكم عن الشر ) وش بتسوي افيدوني وانصحوني
حاليا انا وضعي بدحديره بدون جلنط وفرامل
tqtqi l;jzf
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|