01-15-2021, 04:32 AM
|
مدير عام
|
|
تاريخ التسجيل: Aug 2012
المشاركات: 376,532
|
|
على وشك الطلاق
السلام عليكم و رحمة الله
انا جيتكم هنا و انا محتاجه جدا جدا ارائكم لاني محتاره و مدري وش التصرف الصحيح اخاف ان اي قرار يصدر مني يكون عاطفي احتاج آراء محايدة
تزوجت واحد كان ماضيه سيء جدا جدا جدا اتوقع ما في و لا بلاء في حياته ما سواه بس للاسف ما اكتشفت هالشيء الا بعد الزواج ابوي كان متهاون في السؤال عنه بحكم انه قريبنا و بحكم انه عايش اغلب حياته في منطقه غير منطقتنا المهم بعد الزواج بديت اكتشف الاشياء و كنت اسكت و احاول امشي اللي اقدر عليه بس للاسف اكتشفت في الاونه الاخيره انه يقابل بنات هنا خلاص طفح الكيل و واجهته " مدري المقابله هل هي مجرد انهم يشوفون بعض او علاقة جسديه" بس كل المحادثات اللي شفتها كانت مقاهي مطاعم مولات كذا ، المهم واجهته و التزم الصمت في البدايه حتى ما برر لي ابدا كان في حالة ذهول و صدمة اني اكتشفت لانه كان مخبي الموضوع بقوة ، و اول ما نطق قال خلاص كل واحد في طريق بس ابغاك تسترين علي و ما تقولين لاي احد عن اللي شفتيه ، بس لما شافني مصره اقول خاصه قدام اهلي و اهله بدأ موال اني ما اقدر استغني عنك و اني احبك و حياتي معك جنه و تكفين سامحيني و وعد اتعدل و من هالكلام ، انا طبعا قلبي بدأ يلين بعد الكلام رغم اني ادري انه ما يقصده و كله خوف من الفضيحه و خايف على سمعته في العائله ، وعدني و حلف كثير انه يتغير ، بس ما قدرت اسامح خاصه اني حامل في الشهور الاخيره و مع ذلك ما راعاني و لا حسب لي حساب و جلس يطارد ورا البنات ، حياتي معاه كئيبه اغلب وقته برا و انا لازم استقبله بروح حلوه و لا انكد عليه حتى لو تعبانه او متضايقه و في الاخير يجازيني كذا ؟ و في نفس الوقت لما اشوف ملابس البيبي ينكسر قلبي 💔 و احس بحزن شدددديييد انها راح تعيش في عائلة مشتته بسبب اب وصل للثلاثين و ما زال يعيش سنين المراهقه ، شرايكم ؟ استخرت كثير و مع ذلك ماني قادرة اتخذ قرار ، هل في اشخاص فعلا يتغيرون و يتركون كل الخرابيط ؟ ماني مستعده اضيع عمري مع شخص ما يصوني امانه عليكم جاوبوني بكل صدق
ugn ,a; hg'ghr
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|