السلام عليكم ورحمة الله
اولا اشكركم ع فتح المجال لطرح المشاكل والشكر للقائمين ع المنتدى وهذا القسم خاصة ...
حقيقة كل نفس تتمنى اشياء وكل نفس لها مطالبها ...
انا ابغا اطرح مشكلتي هنا وربي العالم بها باحاول ان اختصر ..
بصراحة انا الان وصل عمري 30 سنة وسرت افكر بالزواج بشكل كبير احس هادا العمر الي كنت اتمناه اني اكون كبيرة
انا ضد الزواج المبكر لاسباب كثيرة ،،
حقيقة ابغا بيت مستقل حياة زوجية واستقرار وامان وتأمين مستقبل ،،
واكثر مايدفعني للزواج حياتي مع اهلي اصبحت لا تطاق نهائيا سرت اصحى من النوم منكدة واليوم بسنة كاملة من الهموم والمشاكل
احنا مشكلتنا ماشااءلله عددنا كبير والشغل كثير مرة والان انا ماسكة شغل التنظيف والله يدي سارت مشدودة من التعب
واشغال زايدة انا واخواتي كم وحدة محشورين بغرفة زمان كان عادي عندي الان انا بعمر 30 من حقي اكون مستقلة او ع اقل شخص فقط
غير المشاكل مع امي وابويا بسبب اخواتي واخواني الى متى ؟؟؟ ابغا استقل واستقر انا تحملت وربيت اخواني الصغار وانا بالمتوسط
طول عمري اكرف واضحي واتنازل وامشي واشتغل وبرضو مشاكل تعبت تعبت مرة ، ابغا اجرب الحياة الزوجية وحياتي مع رجل انا عارفة توجد مشاكل وهاذي سنة الحياة
ولكن باتحمل قد ماقدر ولا اني ارجع تاني لبيت اهلي بس الاهم يكون ولد حلال مو تبع بنات ولا مخدرات والباقي مقدور عليه ،،،
ابغا أمن مستقبلي قبل خروج ابويا من الدنيا ، انا مو مصبرني الا تواجد ابويا بالبيت ،، سرت افكر كثييييير مرة و امس واليوم ابكي وسرت ادعي ربي يحقق مرادي ،،،
كنت اتمنى اشتغل واتوظف لكن ربي ماكتب المهم كيف اقدر اتزوج كيف اقدر ابحث يجوني خطاب لكن مثلا واحد مطلق ومعاه ثلاث اطفال احس صعبة جدا ورفضت طبعا
حتى لو عمري كبير نوعا ما برضو اسمي بنت
انا ابغا اخرج من جو العدد الكبير فما ابغا ادخل لنفس الدوامة وانا اتحملت لعيون امي وابويا لكن صعب اتحمل غير عيالي او اخواني ووو
ابغا اسمع نصايحكم ومشورتكم وابغا دعوة بالشهر الفضيل والله يحفظكم ويحقق مرادكم يارب ، ويكتب الخير للجميع ،،
واشكر مقدما كل من يرد ع موضوعي او يدعي لي بظهر الغيب وله المثل ...
.
lkihvm hfyh hj.,[ ,hsjrg + higd
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك