فى الموضوع هنتكلم عن العمل الحر بخمسات Freelancing

[منتدى ترايدنت]

السلام عليكم ورحمة الله وبركاته ,,
كل سنة وحضراتكم طيبيين وبالف خير :shiny01::shiny01: ,,

الموضوع ده عن العمل الحر "Freelancing" بموقع الخددمات المصغرة خمسات

- موقع خمسات هو موقع عربى ممتاز لبيع الخدمات الصغيرة , فكرة الموقع انك ببساطة لو تعرف تعمل اى حاجة بتعرض خدمتك مقابل 5 أو 10 أو 15 حتى 25 دولار .

سـ/ طيب ايه مميزات موقع خمسات عن غيرها من المواقع ؟
جـ/ مميزات موقع خمسات كتييير منها على سبيل المثال أنه موقع عربى وده بيسهل الموضوع فى التفاهم مع العميل ومنها أيضا انه تصميم الموقع بسيط جدا فى التعامل معاه سواء كنت فريه لانسر أو هتشترى خدمات ومنها أيضا بساطة الخدمات وتنوعها ومن أهم المميزات انه موقع مضمون 100% لحقوقك وأموالك وبه درجة عالية من الحماية والمصداقية فى العمل ودعم فنى ممتاز .

سـ/ طيب ايه المجالات اللى ممكن اعرض فيها خدماتى عشان اشوف متوافقة معايا أو لا ؟
جـ/ فى الحقيقة فيه مجالات كتييير منها على سبيل المثال
1- خدمات برمجة وتصميم : فى المجال ده متفرع منه اكتر من قسم منها مثلا Java و .NET و php وغيرها من لغات البرمجة وكمان تصميم مواقع باستخدام html , css وتطوير المنتديات وبرمجة الموبايل ابليكيشن وانظمة المحتوى CMS وخدمات الورد بريس وبلوجر وجوملا وغيرها وده لينك الخدمات اللى ممكن تقدم زيها https://khamsat.com/programming

2- خدمات تسويق الكترونى : فى المجال ده برضو متفرع منه اكتر من قسم منها اعلانات المواقع وخدمات الـ SEO والتسويق على يوتيوب وفيس بوك وتويتر وانستجرام وكتابه مقالات ترويجيه وتقدر تشوف خدمات شبيه ممكن تقدمها من هنا https://khamsat.com/marketing

3- خدمات التصميم : يشمل قسم التصميم , خدمات تعديل على الصور وتصميم بانرات اعلانية وتصميم شعارات وعروض الباوربوينت وتصميم فيديوهاتك وأغلفة الكتب والمجلات تقدر تشوف خدمات شبيه من هنا : https://khamsat.com/designing

4- خدمات التعليم عن بعد : باختصار انت لو تعرف تشرح حاجة ممكن تسجلها فى صورة سلسة تعليمية وتبعيها أو ممكن تشرحها أونلاين , فى مجالات البرمجة بكل أنواعها والتسويق الالكترونى والتصميم وتعليم اللغات زى الانجليزية والفرنسية والتنمية البشرية وغيرها نماذح من هنا : https://khamsat.com/training

5- خدمات الاعمال : ويشمل المجال ده خدمات مالية وتجارة الكترونية ودراسات والابحاث وخدمات صوتية ونصائح للاعمال التجارية ودراسات الجدوى من هنا : https://khamsat.com/business

6- خدمات الاستشارة والنصائح : باختصار هنا هتكون زى دعم فنى الناس هتسالك فى المجال اللى انت عارفه بعض الاسئلة اللى هيا مش لاقيه اجابتها زى استشارات شخصية واستشارات مالية واستشارات قانونية واستشارات تسويقية ونصائح السفر والسياحة يمكن الاطلاع على الخدمات من هنا : https://khamsat.com/consulting

7- خدمات استشارات تقنية : زى استشارات الاندرويد وIOS وادخال البيانات وحل مشاكل الويندوز ودعم فنى للسيرفرات والمواقع وحجز الدومينات وادسنس وغيرها الخدمات من هنا https://khamsat.com/technology

8- خدمات الترجمة والكتابة : فى المجال ده بيشمل الترجمة من لغة للتانية وترجمة المقالات وكتابة المقالات الحصرية والمراجعات للمواقع وكتابة السيرة الذاتيه وخدمات التدقيق اللغوى يمكن الاطلاع عليها من هنا : https://khamsat.com/writing

9- خدمات متنوعة مش لازم تلتزم بالموقع : مثلا لو انت ديزاينر وعملت كولكشن صور HD وفيكتورات وتكسترات ممكن تعرضه للبيع بـ 5$ وهتلاقى مصممين تطلبها منك ,وهكذا .

سـ/ممكن بعض النصائح عشان اكسب ثقة الناس فيا واشتغل بسرعة ؟
جـ/ فى الحقيقة هقولك بعض النصائح البسيطة منها على سبيل المثال :
1- قدم خدماتك بشكل انيق وذكى بمعنى اختار عنوان كويس واوصف الخدمة بشكل شامل وحاول تختار صورة أو فيديو معبره عن خدمتك الصورة ليها دور كبير .
2- لو فيه عيوب الخدمة اللى هتقدمها قولها ومتخافش انت كده هتكسب ثقة الناس احترامهم , لانه ببساطة اى فريه لانسر عباراة عن سمعه وأمانة فى العمل .
3- وانت لسه مبتدىء فى خمسات حاول تقدم خدمات قوية جدا تجذب الناس وتنفذها باسلوب بسيط وف المدة المحددة عشان تكسب الناس .
4- متقدمش على خدمة الا وانت فعلا متاكد انك هتقدر تعملها وحدد الفترة اللى هتخلصها فيها بالظبط .
5- اقرا كل كلمة فى الموقع كويس أوى , لانه الموقع شارح كل حاجة بالظبط وبسهوله ووضوح من طريقة العمل وازاى تضمن حقوقك
رابط المدونة من هنا http://blog.khamsat.com
6- اقرا شروط تقديم الخدمة كويس عشان متتعرضش خدمتك للحذف
7- اوعى تنقل خدمة معروضة بالنص لانها هتتعرض للحذف ولو كررت الموضوع هيتعرض حسابك للحذف

سـ/ ايه المشاكل والعيوب اللى هتقابلنى ؟
جـ/ فى الحقيقة من تجربتى ملقتش أى مشاكل فى الموقع أو فى ضمان أموالك باستثناء سيطرة الاباطرة يعنى فيه ناس كتييير مشهورة وسمعتها كويسة فى خدماتها فطبيعى لازم تتعب عشان تكسب ثقة الناس فيك ودى متعتبرش عيب بقدر مهو حافز ليك عشان توصل لهدفك .

سـ/ ازاى اضمن حقوقى وطريقة سحب الاموال ؟
جـ/ الموقع شارح ازاى تضمن حقوقك من هنا https://khamsat.com/guarantee
بالنسبة لسحب الفلوس الموقع بيدعم الـ paypal وكاش يو بالاضافة لانه فيه وسطاء فى اغلب البلاد العربية .

سـ/ ممكن امثلة لبعض الخدمات ؟
جـ/ بعض النماذح ممكن تعمل زيها باختصار .
** دعم فني لمدونات بلوجر مقابل 5 دولارات فقط
** اطلب برنامجك بالفجوال بيسك وساقوم بتفيذه فقط بـ 5$
** إنشاء أى تطبيق أندرويد شامل لموقعك أو مدونتك بـ 5$
** أقدم لك برامج تطبيقيه متنوعه حسب طلبك (خدماتيه - محاسبيه..) بـ 5$
** تصميم شعارات بأسلوب رائع ومعاصر 5$
** سأقوم بترجمة 1500 كلمه من الانجليزيه للعربيه والعكس ب5 دولار
** تعلم 4 لغات برمجة فقط ب5 $ + هدية
** تدريب على برنامج الاكسس2010 بشكل متقدم ب 5 دولار

ملحوظة : لو دخلت على اللينك ده https://khamsat.com/community/requests هتلاقى ناس طالبة شغل فى الموقع وبتختار بناء على افضل عرض مقدم من الفريه لانسرز .

ملحوظة : لو قدمت خدمة بـ 5 دولار انت بتاخد 4 دولار فى حسابك والموق 1 دولار لانه الوسيط بينك وبين العميل وبيضمنلك حقوقك

سـ/ طيب انا مش عارف حاجة من الحاجات دى وعاوز ابدأ ؟
جـ/ افتح الموقع شوف الخدمات وشوف ايه اللى نفسك تعمله وتشتغل فيه وكلمنى انبوكس وانا هبعتلك شرح لاى حاجة عاوزها متقلقش
- يلا ابداء سجل فى الموقع من هنا https://khamsat.com/register واعرض خدماتك واشتغل ومتخليش حاجة توقفك , اى استفسار سيبه فى كومنت أو ابعت افتح تذكرة http://www.isevenit.com/help/submitticket.php?step=2&deptid=2 وهرد عليك باذن الله .

اتمنى يكون الموضوع بقدر الاهمية والافادة ..
شكرا جزيلاً لكم ..

ساعد في نشر والارتقاء بنا عبر مشاركة رأيك في الفيس بوك