Traidnt.Net : ما هي نهاية مواقع الانترنت وبالخصوص ترايدنت ؟

[منتدى ترايدنت]

السلام عليكم ورحمة الله وبركاته

صباح الخير للي عندهم صباح ومساء الخير للي عندهم مساء :icon30:

عاد داخل اليوم و انا متحمس بسبب اخوي و حبيبي ابو فراس بموضوعه اللي يقول فيه افتقدنا اقلام مبدعه في المعهد وهذا الموضوع اهداء لك يابو فراس واتمنى انك تكون اول من يناقشني في هالموضوع
خلاص عاد الموضوع لبس فيك ومافيه مجال للتهرب :strongly:




مواقع الانترنت العربية ..... بدأنا نحس بخمول المواقع بنهاية العام 2013 وصار الكل يتمركز في تويتر وفيسبوك و لعل اهم الاسباب اللي خلتهم يبتعدون عن المواقع هي استخدام الجوالات الذكية مثل الايفون والجالكسي و ماشابهها فبدأو الناس بالابتعاد عن اجهزة الكمبيوتر سواء لابتوب او جهاز مكتبي .... صاروا يعتمدون على الجوال في كل شي بسبب التطبيقات ( واتساب تويتر انستقرام سناب شات ... الخ )

لكن نكون واقعيين شوي
الحين ترايدنت مفتوح للمختصين في هذا المجال ( برمجة وتصميم واستضافة ) ومثلا عندكم منتدى مكشات مفتوح لأصحاب الرحلات البرية و البحرية وينزلون فيها تقاريرهم عن رحلاتهم .... وعندكم البوابة الرقمية خاصة بالالعاب و الاتصالات و اجهزة الجوال .... وعندكم موقع أدبيات خاص بالشعر و القصائد والمحاورات وهكذا .... وكل موقع و له ناسه .... لكن وش نقول عن الناس العاديين ؟ اللي ما عندهم علم في التصميم و الرحلات و الاتصالات ؟ هذولا هم اللي راحوا لتويتر و فيسبوك وانستقرام.

اللي اشوفه ان كل يوم يزداد الانتقال من مواقع الانترنت الى تطبيقات الجوال و ارجح السبب ان الناس ماعادت مثل اول ... حسب ظروفهم واشغالهم فالظاهر انهم يكتفون بتطبيقات الجوال مثل واتساب يسوون فيه قروب نقاش وهكذا ...


الموضوع للنقاش ... ارائكم
ساعد في نشر والارتقاء بنا عبر مشاركة رأيك في الفيس بوك