07-03-2021, 02:21 PM
|
مدير عام
|
|
تاريخ التسجيل: Aug 2012
المشاركات: 376,532
|
|
زوجة اب وعيال الزوج
كتبت مشكلتي قبل سنين مشكلتي اعاني منها اكثر من ستة سنوات
انا تزوجت شخص سبق له الزواج وعنده بنات من زواجه السابق
كنت فترة الملكه اكلم بناته بين فتره والثانيه لا بأس كنت اقول لسى ماعرفوني يسمعون عن زوجة الاب ويحسبوني انسانه بخرب حياتهم فكنت عاذرتهم بعد الزواج لقيت عداوه منهم واستغربت عدم احترام
يطالعوني بنظرات كره وتكبر ويحاولون يصورون لي ان الطلاق احسن وليش ماتتطلقين ابونا مايصلح وابونا وابونا
اذا جوني يكلمون امهم ويحطونها صوت عالي سبيكر واسكت دائما واكلمهم ويعطوني ظهرهم ويسوون نفسهم مايسمعوني احاول اتقرب مافيه فايده كل ماتحسنت العلاقه ترجع تسوء
فجأه يتغيرون وانا من عرفوني مااذيتهم بشي واذا ابوهم عصب منهم احاول اخليه يهدا واذكره انه يتعامل بالحسنى اذا غلطو وهو عصب احاول اهديه اخاف يمد يده عليهم واكثر من هذا بكثير
كانو البنات دائما بشكل مستمر يحذروني من الحمل بحجة ان ابوهم مكتفي واذا جبت له عيال ماراح يهتم فيهم ومشاكل اخرى اختصار للموضوع مابدخل بتفاصيلها
كنت احاول اطمنهم واقول الفكره مو موجوده حالياً
مرت السنوات وحملت انا بالثلاثين مابي العمر يروح وقلت لابوهم يقولهم احسن من يسمعون مني خفت يفهمون اني بقهرهم صارت مشكله كبيره ابتعدو عن ابوهم وعني
وانا بحكم العمر جبت عيالي ورا بعض بفرق بسيط الحمدلله وكل ماذكر عيالي بشي اذكره بعياله الثانين
تعاملت معهم بطيب عسى ربي يسخر لعيالي الطيبين
صارو يلتقون مع ابوهم في بيت جدانهم ويطلعون مع بعض افرح بس ابي يجتمعون مع عيالي بالاخير اخوان
ومرت سنين على هالحال وجاء اليوم الي انتظره مابغو يجون للبيت قلت مو مشكله نطلع مكان المهم نجتمع
والله ياخوات انهم مب طايقيني واكثر مني مب طايقين عيالي ولا متحملينهم
احاول اضحكهم واتقرب منهم واقرب عيالي منهم وهم ولا كانهم موجودين
شلت اصغر عيالي وعطيتهم يشيلونه قلت اخوكم يبيكم بدو يطالعون بعض كنهم يقولون لبعض انتي شيليه عني وحده شالته دقيقه قالت خوذيه سكت قلت للثانيه تبين اخوك قالت بعد شوي مب الحين سكت عادي بتتعدل الامور
وانا قايله لابوهم لاتسوي لعيالي سالفه قدامهم عشان مايتصايقون امدحهم وسولف معهم وتجاهل عيالي خوف على مشاعرهم
التقينا مره ثانيه نفس الشي عيالي يبتسمون لهم ويتقربون وهم يطالعون بطرف عين وابتسامه جافه
اجيب لهم اخوانهم اقول فلان يبيكم يقولون طيب بعد عشر دقايق عطينا اياه وهم ماعندهم سالفه
بالسياره تجي اكبرهم تسالني مين يركب قدام اقولها انتي اركبي انا بروح ورا مع الباقين يعني كل الي اقدر عليه اسويه
اكلم الباقين مايلتفتون حتى يناظروني وانا اكلمهم واذا ناظرو بطرف عين
والله ياخوات طلباتهم ماتوقف مكالمات لابوهم نبي ونبي ومرات على حسابي وحساب حياتنا اقول عادي خليه يعوضهم ابوهم هذا مايعرفونه الا بالطلبات ماعمري شفت اتصلو او زارو بدون طلب او شي
ليش هالغرور كله وهالتعامل وين الاحترام
اخر موقف قبل كم يوم اجتمعنا وفرحانه فيهم واقرب لهم اخوانهم وهم يتحججون بأتفه حجه عشان مايقربون منهم وقبل ماروح وقفت عندهم ومعي عيالي اقولهم سلمو على خواتكم وهم يطالعون جهه ثانيه ماكاني انا وعيالي واقفين ونكلمهم حسيت اني ذليت عيالي ناديتهم وطلعنا ونزلت دموعي ماقدرت اتحمل
ان رحت وفضفضت لابوهم بينقال عني زوجة اب شريره وان سكت تعبت لي ثمان سنوات انتظر العلاقه تزين
لكن يد وحده ماتصفق
انصحوني دموعي على خدي مقهوره كل ماتذكر واشوف الفرق بين تصرفاتهم وتصرفاتي احزن
وشعور ان عيالك مكروهين شعور سيء يوم تشوفين اي احد مو محترمهم ولاشايفهم شي
.,[m hf ,udhg hg.,[
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|