02-12-2021, 02:40 AM
|
مدير عام
|
|
تاريخ التسجيل: Aug 2012
المشاركات: 376,634
|
|
زوجتي ناشبه في حلقي
السلام عليكم
أنا موظف أعمل في الصباح وفي المساء أعمل بدوام ثاني لزيادة دخلي وتأمين مستقبل أطفالي وأسرتي .
يبدأ دوامي الأول من س 7 صباحاً وحتى س 2 مساءً
والدوام الثاني من س 4 مساءً وحتى س 11 ليلاً
اعود للمنزل متعب ومنهك اتفقت مع زوجتي أطلعها وأمشيها الويكند جمعة وسبت لين تشبع لكن بقية ايام الاسبوع مضطر أعمل وأخبرتها أني أتعب لأجلهم وبإمكاني أتكي بالبيت وأقابلهم 24 ساعة لكن هذا ينعكس سلب علينا مادياً ولا نستطيع نأمن مستقبلنا ومستقبل أطفالنا (خصوصاً أن مرتبي الأول لايبقى منه شيء يذهب للمشتريات ومقاضي البيت والفواتير) .
لكن زوجتي ماينفع فيها الكلام يخدرها الكلام هذا يوم يومين ثم ترجع لوضعها الأول .
أرجع س 11 بالليل أدور فراشي برقد أحصلها مادة بوزها مترين قدام ومنفسه وتبغاني أجلس اسولف معاها أحياناً أجاملها واسولف معاها ساعة لين تصير س 12 وبعدها أنام واحياناً تدخلني بمشاكل من قبيل (انت تاركني طول اليوم لحالي - أنا ماعندي أحد - أنا طفشت جالسه بين 4 جدران ....الخ)
وتتصل علي كل ساعة مرة مرتين زميلي في العمل أمون عليه بقوة اشتكي له ويشتكي لي وهو مثل وضعي بالضبط أعمل انا واياه شفتين ولا يعاني مثل معاناتي مع زوجته يعني تبيني 24 ساعة مقابلها اتكلم معها افهمها وضعنا المادي مضطرين منا منا !!
تسلك يومين وبعدين ترجع ثاني مرة تزن على راسي وتنفس ولا كنك يابو زيد غزيت .
وضعي الاجتماعي والمادي أنا وزوجتي :
- اهلها طبعاً بديره وهي بديره .
- لدي 3 اطفال .
- زوجتي لم تكمل دراستها الجامعية سجلتها بالجامعة على حسابي لأجل تشغل وقتها لكن رفضت تكمل دراسة .
- غير مقصر معها مادياً ولا في حقها الشرعي في الفراش ولا التمشيات ايام الويكند نطلع العصر ونرجع س 12 بالليل أو لين تدوخ هي وتقول نبي نرجع .
أحياناً أفكر أقول: اترك دوامي الثاني واقابلها واتخلى عن حلم امتلاكي منزل واطلب العوض من الله ثم أبنائي اذا كبروا ؟!!
وأحياناً أقول اسفرها لاهلها 4 شهور عندهم وشهرين عندي و4 عندهم وشهرين عندي هذي 12 شهر (سنة كاملة) .
واحياناً اقول اكثر الاطفال واخليها تحمل وتولد تحمل وتولد وتبلش فيهم لكن ارحمها من التعب وبنفس الوقت مادياً الوضع مايساعد انجب اكثر من 3 اطفال الفترة الحالية على الاقل .
نشبت لي مرة وقعدت تزن على راسي عصبت عليها ومسكتها مع يدها وضغطت عليها بدون ضرب خافت وهربت للغرفة وانا نمت بالمجلس وسويت نفسي زعلان فترة تغيرت وصارت تودد لي ومن هالكلام لين عادت المياه الى مجاريها وعادت هي لطبعها الاول .
زوجتي للامانة خدومة ومهتمة ببيتها واطفالها ولا اقول كلها شر لكن ناشبة في حلقي تبيني عندها 24 ساعة
ارشدوني وش اسوي وش الدبره والحل ؟!
حقيقة: بعض النساء ماتقدر كم يتعب زوجها ويكد ويشقى علشان يوفر لهم حياة كريمة احياناً اقول ليش ماتحمد ربها غيري سربوت راعي سفريات وطلعات وغيري راعي تمشيات واستراحات مايجلس عند اهله أنا على الأقل أبحث لهم عن لقمة العيش ما رحت اتسردح واتمردح !
.,[jd khafi td pgrd
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|