السلام عليكم ورحمه الله وبركاته
مساكم الله بالخير والصحة والسرور
انا صاحب موضوع
http://forum.z4ar.com/f116/t149498.html
كتبته عام 2010 يوم كان عمري 25 سنة وعازب
الآن عمري تقريبا 34 سنة ومتزوج وعندي طفلتين الحمدلله
سبحان الله ما اسرع الايام
انا صراحة شخصيتي هادي وبيتوتي ومطيع وخضوع وهذي شخصيتي ثابتة ماتغيرت من الطفولة
ومتزوج من امرأة قوية الشخصية وقيادية ومتدينة من اقاربي والحمدلله مرتاحين مع بعض
في البيت نتشارك انا وزجتي القرارات لكن لما نختلف كلامها هو الي يمشي واخدمها واحترمها
في خارج البيت امام الناس زوجتي تعاملني على اساس الكلمة لي لكن انا في الحقيقة ما اقول شيء يغضبها
مشكلتي الآن
قبل اكثر من سنتين تهاوشت زوجتي مع خالتي و كرهوا بعض خصوصا لما قالت خالتي لها والله لخليه يطلقك
في عيد الاضحى قبل اسبوع تجمعوا اقاربي في استراحة
زوجتي طلبت نجي بدري بعد صلاة العصر ورحنا وخالتي كانت موجودة بدري وكنت اقدر ادخل قسم النساء لان مافيه الا خالتي وعمتي وكلهم محرم لي
لما عمتي راحت محل حلويات تجيب حلى ماكان في الاستراحة قسم النساء الا انا وزوجتي وخالتي
زوجتي عاملتني قدام خالتي مثل معاملتها لي في البيت
سويت كل كلام زوجتي في الاستراحة وصراحة حسيت بخجل من ملاحظة خالتي لي
بعد صلاة المغرب اتصلت زوجتي علي وقالت تعال اخذ الاطفال للبيت واجلس معهم وكانت تتكلم قدام خالتي واتوقع كانت حاطة سبكر
في الليل لما نومت الاطفال اتصلت علي زوجتي حتى اجيبها وكان اقاربي كلهم راحوا الا زوجتي وخالتي
سالتني قدامها هل عشيت الاطفال ونومتهم
لما دخلنا السيارة قلت لها ليه احرجتيني قدام خالتي
قالت : تستاهل خالتك ! انا سويت كذا علشان اقهرها مثل ماقهرتني.
بعدين عرفت قصدها انها تبي تقهر خالتي ما اعرف وش كانت تقصد وايش صار علشان تنقهر خالتي
احس كل الي صار اني انحرجت قدام خالتي
انا صراحة زعلت من تصرف زوجتي انا كنت اتوقعها عاقلة لكن هذي مشكلتي
انا احبها وهي تحبني ومعنا اطفال لكن كيف اقدر اغير اسلوبها مع خالتي
اسف على الاطالة
تحية عطرة
jurdf ugn l,q,ud hgr]dl uhl2010 ,hdqh la;gm []d]m fdk .,[jd ,ohgjd
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك