السلام عليكم ورحمة الله وبركاته
متزوجه من ١٠ سنوات عمري ٢٨ سنه وزوجي ٣٩سنه عشت مع أهل زوجي ٩ سنوات وربي رزقنا واخذنا بيت ومن سنة نقلنا في بيتنا
انا من صار الكورونا ووقفت المدارس وبدأ حضر التجول وانا في البيت مع اطفالي مانطلع حتى اهلي صرت اكلمهم بتطبيق دوو واهل زوجي كلمتهم بحضور زوجي ثلاث مرات بنفس التطبيق واتصلنا في العيد وعايدناهم وبعد مافكوا الحضر زوجي زار أهله وجلس عندهم كل واحد لاصق في الثاني وعدد كبير اخوان زوجي سته وأم زوجي وعيال إخوانه وعيال خواته كلهم بالصالة مع بعض وانا أرفض ازورهم اخاف من المرض وحتى بيت اهلي يوم زرتهم جالسه مع عيالي بالكمام ساعه ورجعت بيتي وزوجي يوميا عند أهله يرجع من الدوام على طول هناك وبعدها سمعنا أن وحده من خواته حاشهم كورونا هي وزوجها وعيالهاوجلست برعب مده شهر كامل لان زوجي خالطهم وتعبت من التعقيم والكرف وبعدها حذرته وقلت له اعيالك امانه وفي ذمتنا مايصير نعرضهم للخطر
قالي يالله لاتوجعين راسي انتي موسوسه وفيك هوس بصراخ
بعدها سمعنا أن ولد اخته الثانيه( ممرض) جاته عدوى من المستشفى هذا الكلام من ام زوجي وراح زوجي دق على اخته وانكرت قالت ولدي مافيه شي والمستشفى عملوا له مسحه وطلعت سلبيه
وكل هذا وانا على اعصابي خايفه انعدي مع عيالي والسبب زوجي ماهو راضي يقتنع كل ماكلمته عن كثره الزيارات قال العالم رجعت لحياتها الطبيعيه وانتي تبيني مازور اهلي مو كافي انتي مقاطعتهم!!! مع العلم اني قبل كورونا ازورهم بالأسبوع مره و مرتين وأحيانا ثلاث مرات
قلت له زور امك وقت يكون بيت اهلك فاضي مو لازم تروح في الزحمه والبس كمام يعصب ويغلط ولاتحنيين على راسي وانتي صداع ومن كم يوم بس جلس مع ولد اخته الممرض وقاله (احنا عندنا حصانه ضد كورونا الحين كلنا جاتنا كورونا وارتحنا
والوالد تعب علينا شوي لأنه مريض ضغط واناو اخواني وامي جاتنا خفيفه بس حاسه الشم والتذوق اللي للحين مارجعت لنا) يعني جاتهم كورونا واخته تنكر وتحلف وتقسم أن مافيهم شي..
ويوميا زوجي يروح اجتماعات عند أهله اليوم صار له ظرف سيارته تعطلت عليه في الشارع قريب بيت أهله ودق علي عشان أمر أخذه ونرجع بيتنا جهزت عيالي ولبستهم الكمام وركبنا السياره ورحت عند بيت أهله ودقيت عليه يطلع قالي لا انا مع اخوي فاتحين كبوت السياره انتي انزلي عند امي شوي قلت له لا خلاص برجع البيت وخلي اخوك يوصلك البيت لو مااشتغلت السياره قالي طفي سيارتك وانزلي نص ساعه وبخلص وجاني السياره وأخذ عيالي ونزلهم ونزلت وراهم ودخلت ع أهله السلام عليكم كيف حالكم وحشتوني كلكم من عند الباب ماصافحت ولا قربت وجلست بكمامي انا وعيالي كانت أمه موجوده واخته وبنت اخته وعيالها واعيال اخو زوجي لأنه ساكن عندهم
اخته تضايقت لاني بالكمام وكل شوي ترمي كلام
يمكن مكرنين ماينفع يجون صوبنا خلهم بكماماتهم وبعدها تقولي جيتي من بيتكم مشوار بعييد لوحدك قلت لها أي وتقول بنتي تسوق بعد وودتنا السوبر ماركت قلت مبروك اخذت الرخصه ولا بعد؟ قالت مو لازم الرخصه الرخصه ماهي دليل على الشطاره
و تقول لبنتها إذا زرتي عمتك ام زوجك وحمواتك سلمي لي عليهم وعمتك بوسي فوق رأسها وتلف صوبي وتقول بنتي ماتقطع أهل زوجها على طول عندهم وبعدها تقولي ماشفناك من سته شهور قلت لها انا من جات الكورونا وانا جالسه مع عيالي بالبيت ومازرت احد حتى اهلي مازرتهم حفاظا على سلامتنا وسلامه الكل وبعد شوي ولد بنتها عمره سنتين يجي جنبي تقوله تعال و ابعد عنهم وأم زوجي جابت الضيافه جاء ولد بنتها بيرمي البيالات قالت أم زوجي لبنت بنتها اخذي ولدك بيكسر البيالات وبيكب الشاهي قامت أ خت زوجي أخذت ولد بنتها وعصبت على امها ( ام زوجي) وقالت لها عيال ولدك خط أحمر فهمنا مأحد بيقرب صوبهم لكن بشويش على ولد بنتي والله اني تضايقت جداً من هالحركه بين الأم وبنتها حسيت جيتي سبب نرفزتها
وبعدها تقول بنتي قصت شعر عيالها كلهم لأنهم انعدوا قمل من عيال عمهم والله اني خفت على عيالي
وتكلم ولدي عمره خمسة سنين تقوله ايش اسم هذا تقصد ولد عمه ولدي ماعرف اسمه قامت تقولي المفترض ع الاقل تورينهَم صور عيال أ عمامهم وعماتهم وتعلمينهم أسماءهم ع الاقل وزوجي بدل النص ساعه صارت ساعتين وربي كرهت نفسي اني زرتهم المشكله اخت زوجي بعمر أمي ٤٨سنه وأم زوجي بعمر جدتي وانا مابي اتكلم معاهم بطريقة تزعل لكنهم مايراعوني ويرمون كلام ام زوجي هالمره ربي هاديها لكن طبعها نفس بناتها
وخصوصا معظم الكلام عن الزياره وعن لبسي للكمام وأهم شايفين اللي صاير بالعالم
وزوجي لو بكلمه عن تصرفات اخته وكلامها بيروح يوصل كلامي وبينكرون ماقلنا وماسوينا وماراح استفيد غير المشاكل
ايش الحل؟!
.vj Hig .,[d ,.ug,kd f;ghlil ghkd ghfsm ;lhl
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك
« آخـــر الــمــواضــيــع »
زرت أهل زوجي وزعلوني بكلامهم لاني لابسة كمام
العرض العادي
