[تحذير] بخصوص بخاخات تنظيف و ازالة الغبار
السلام عليكم ورحمة الله وبركاته
كيف الحال يا شباب ان شاء الله طيبين
حبيت انبه بخصوص البخاخات اللي تباع بمحلات السيارات وعادة ماتكون لتنظيف المكينة و الأجهزة والقطع الكهربائية سواءً كانت بالسيارة أو غيرها
بعض البخاخات يكون فيه مادة اسمها "رباعي كلورو ايثيلين" او بالانجليزي "tetrachloroethylene"
هذي المادة لها ميزة انها تتبخر بدرجة حرارة الغرفة فعشان كذا غالبية الباخاخات يحطون هذي المادة عشان ما يحتاج تغسل الجهاز او السطح بمويه بعد استخدام المنتج
وهذي المادة خطيرة جداً وتسبب اضرار جسيمة اذا استنشقها الشخص وخاصة اذا كانت بكميات كبيرة .. حتى بالعلبة مكتوب عليها "تحتوي على مادة لها ابحاث محدودة على اثر مسرطن"
وماهو يعني من اول استخدام تسبب السرطان كفانا الله شر هذا المرض .. لكن مع كثر الاستخدام والمداومة على استنشاقة يزيد من احتمالية حصول فشل بأحد اعضاء الجسم أو يسبب السرطان
والمادة لها رائحة قوية جداً جداً حتى لو الشخص لبس كمامة الرائحة تاصلة
---
قصتي:
عندي صوت طقطقة خفيفة بالمكينة ولا أدري وش سببها بالظبط وخاصة ان السيارة ماشية 34 ألف بس .. ونصحني واحد بان استخدم بخاخ يرش على المكينة وجميع اجزاء اللي تحت الكبوت ممكن يخف الصوت او يروح .. رحت لم ساكو ولقيت بخاخ يرش على كل القطع الكهربائية ولا يضرها لانها تتبخر بسرعة وشريت البخاخ ويوم رجعت البيت خليت السيارة تبرد وبعدها لبست كمامة وقفازات وبديت بالرش .. ريحة المنتج قوية جداً .. وبعد ما خلصت من الرش جتني دوخة وخفقان وحست اني يالله يالله امشي .. جلست ربع ساعة وخفت المشاكل واخذت علبة المنتج وقلت خلني اشوف وش سالفة هالريحة اللي تفضخ الراس .. بعد ما قلبت العلبة لقيت هذي العبارة .. "تحتوي على مادة لها ابحاث محدودة على اثر مسرطن" .. هنا جتني ام الركب ورحت للمستشفى على طول .. وقلت للدكتور السالفة وطمني ان هالمادة ما تضر الا للاستخدام الطويل ولفترات متواصلة اما اول مرة ان شاء الله كم يوم والمادة بتطلع من الجسم عن طريق التنفس او البول "وانتم بكرامة" وعطاني اكسجين ربع ساعة .. الحمد لله تطمنت ورجعت البيت يالله لك الحمد بخير .. وتعلمت درس اني اي شيء جديد علي لازم اتأكد منه واشوف وش فيه واقرأ الارشادات .. بعدها بيوم وانا طالع من البيت شغلت المكيف وبعد ما شغلته جتني دوخة وخفقان شبيه باللي جتني يوم استخدمت البخاخ .. وما استنتجت الا هالسبب"هل المادة دخلت بمجرى المكيف ومع تشغيل المكيف الريحة تدخل علي" سألت كم واحد وجلسو يضحكون علي ويقولون اني موسوس بزيادة ومن هالأمور .. والصدق ان الدوخة جتني وانا ما فكرت ولا توقعت اصلاً ان المادة ممكن تدخل بمجرى المكيف وعلى الكلام المكتوب بالعلبة انه " يتخبر بسرعة وكلياً "
فوش رايكم هل بالفعل انا موسوس ولا ممكن يكون فيه فتحة ولا مكان دخل منه بالرذاذ؟
والأدهى والأمر انه اعدم لي جميع قطع البلاستيك اللي تحت الكبوت والربل تآكل أيضاً
وهذي صورة المنتج للي ممكن يسأل عنه
المصدر:
منتدى السيارات
Fjp`dvD fow,w fohohj jk/dt , h.hgm hgyfhv
ساعد في نشر والارتقاء بنا عبر مشاركة رأيك في الفيس بوك
« آخـــر الــمــواضــيــع »
[تحذير] بخصوص بخاخات تنظيف و ازالة الغبار
العرض العادي
