08-28-2015, 10:28 AM
|
مدير عام
|
|
تاريخ التسجيل: Aug 2012
المشاركات: 353,910
|
|
::::::::::::: قولها بصوت عالي :::::::::::::: I love u
كنت عند واحد صاحبي وقالي هوريك صورة جامدة ..
ووراني الصوره دي ..
قالي شوف الناس الي بتحب بتعمل ايه ؟
قلت ليه وريني ياعم الحبيبه بيعملوا ايه ؟
قالي يا سيدي ده واحد كان في عيد ميلاد حبيبته ..
راح عند المكان الي هي ساكنه فيه قبل ما هي تروح بيتها
وطلع عند جيرانها كلهم وطلب من بعضهم يفتحوا النور وطلب من بعض الجيران يقفلوا النور ..
عشان في الاخر يطلع ليها الشكل ده ويقول ليها بس كلمه واحده
I love u
( عشان الي ثقافتهم الماني )
يعني بالعربي بيقول ليها
انا بحبك ..
شوف انت بقا طلع عشرات الشقق وقعد يقنع فيهم ويتحايل عليهم ومنهم الي أحرجوا ومنهم الي اتريق عليه ..وممكن واحد يكون شتمه وممكن يكون واحد ضربه
. لكن هو ده الحب بيعمل كده ..
شوفت المحب بيعمل ايه ؟؟ شوفت تعب قد ايه عشان يقول ليها الكلمه دي بس ؟
طيب انت يالي بتحب ربنا .. لو عايز تقول لربنا انا بحبك ؟؟
تقدر تتعب في حياتك زي صاحبنا ده ؟
الانسان الي بيحب ( بجد ) مش مهم عنده اي شيء في الحياه غير هدفه وغايته وحبه الي عايش عشانه
لو واحد بيحب واحده وقال لها انا بحبك هتقوله الحب مش كلام الحب أفعال
او هتقول ليه ايه الدليل ؟
منهم كان بيرمي نفسه في البحر عشان يثبت انه بيحبها ومنهم الي يشتري هديه غاليه عشان يثبت انه بيحب
ومنهم الي يترك شيء غالي عشان يثبت انه بيحب
انت لو عايز تثبت لربنا انك بتحبه ؟
هتعمل ايه ؟
دايما بيقولوا إن الحب أفعال مش أقوال
و لو واحد بيحب واحدة و عمال طول النهار و الليل يقولها أحلي كلام و يقول فيها أشعار و في نفس الوقت بيزعلها دايما و مش بيسمع كلامها و مش بيعمل الحاجات اللي بتحبها , يبقي إزي بيحبها
فين بقي الحب ؟؟؟!!!
كذلك الأمر
لو روحنا سألنا أي حد ماشي في الشارع أو في أي مكان , و سألناه إنت بتحب ربنا
أكيد هيقول آه حتي لو بيعمل ذنوب و معاصي مالهاش عدد
لكن مين فينا بقي اللي بيحب ربنا بجد ؟
و من علامات حب الله
(أن يجدك حيث أمرك , و أن يفتقدك حيث نهاك)
كل واحد يبص لنفسه و يشوف هو بيحب ربنا فعلاً و لا كلام و خلاص
هل فعلاً بتسمع كلام ربنا لما يأمرك بحاجة ؟
هل فعلاً بتسمع كلام ربنا لما بينهاك عن حاجة ؟
هل إنت فعلاً يا أخي
بتقوم كل يوم من النوم تصلي الفجر ؟!
بتصلي الصلاة في أوقاتها ؟!
مابتسمعش أغاني ؟!
بتغض بصرك ؟!
مابتعاكسش بنات ؟!
مابتصاحبش بنات؟!
مابتكدبش ؟!
مابتغشش ؟!
ما بتشربش سجاير أو غيرها ؟!
ما بتشتمش أو بتقول كلام بذيء ؟!
ما بتتفرجش علي المواقع الإباحية ؟!
بتسمع كلام والديك ؟!
و إنتِ يا أختي
اتحجبتي و لا لسه ؟!
بتصلي الفجر ؟!
بتحافظي علي الصلاة في أوقاتها ؟!
مابتسمعيش أغاني ؟!
مابتصاحبيش شباب ؟!
مابتغتابيش حد ؟!
ما بتتفرجيش علي أفلام و مسلسلات ؟!
كل واحد فينا عارف إجابته كويس , و يقدر يجاوب عالسؤال
أنا بحب ربنا فعلاً و لا كلام و بس ؟
منقول
المصدر... ساعد في نشر والارتقاء بنا عبر مشاركة رأيك في الفيس بوك
|