05-08-2020, 02:06 PM
|
مدير عام
|
|
تاريخ التسجيل: Aug 2012
المشاركات: 348,208
|
|
زواج تحت الانقاض
اهلاً، اسعد الله صباحكم
بدون مقدمات بدخل بالمأساة سريعاً
متزوجه من 5سنوات عمري25 وزوجي 38 عندي طفلتين
زواجنا عن معرفه سابقه وسطحيه كانت حدودنا محادثات واتساب ورسميه وكان صديق لااخوي منها بدت المعرفه بيننا
بداية مشكلتنا جنسيه وعاطفيه زوجي هو والجدار واحد مافكر اني ماعجبته او مو حابني لان اختارني برضاه وخطبني اكثر من مره
من اول علاقه عرفت ان التوافق الجنسي بيننا تعبان ومع كل مره اكتشف مساوء اكثر سرعة قذف باقل من دقيقتين ومايحاول يلملم الموضوع ببوسات احضان كلام بعدها لااا يعطيني ظهره وياخذ الجوال من تطبيق لثاني او يتابع مباراة ومن اول سنه كان يمر علينا اسبوعين عشرين يوم مايفكر بالعلاقه الا لو انا بادرت
كنت راضيه واحاول اتقبل مع اني ماكنت ارضى جنسياً معه ابداً وهو حاس وكنت المح له اني ماخلصت ولايهمه ويتعذر لي باعذار اطفال انا مزكم انا مصدع بي نوم
وبعد سنتين زواج قررت اصارحه انه مايريحني ابد ومره بعد مانتهينا وضحت له اني زعلانه مع شوية دموع
قالي وش فيك قلت اللي يصير مايكفيني ولا يرضيني بكل برود قالي وش تبين اسويلك (انا عمري مو 22)
اول خيبة امل وصدمه منه مافكر يحتوي الموضوع ولاكان يفكر ياخذ مقويات او كريم او اي شي ماااايهمه
بدت تكثر مشاكلنا وبدا صبري يقل
زوجي بطبعه على كل مشكله يرفع صوته ويشتم ويلعن لااتفه الاسباب وصار بكل خلاف بيننا يقولي امي
يافلان انا احس اني وحيده اننا بعيدين عن بعض مااحس اني متزوجه يقولي( اهتمي بامي اهتم بك)
علماً اني مايدور الاسبوع الا وانا زايره امي ومع احسن طبق
ومارجع من سفره الا معي هديه وعتبرها امي الثانيه واروح وارجع مالي بالقيل والقام وكلام الحريم
صرت احاول اجاري زوجي واروح بكل سماحة خاطر وكل فتره اخذ العشاء معاي وحتى لو كان زوجي مسافر ازور اهله
بالنهايه ماصار يبين بعينه واذا تمشكلنا يقولي نفس العذر ماتروحين لامي ماتكلمين اتصلي كل يوم عليه؟؟
صار يحملني فوق طاقتي واكتشفت انه مو كله حب باهله بس يحاول يمسك علي شي يتهرب
زوجي كثير كثييير السفر بخصوص شغله لانه رجل اعمال وغير هذا هو يحب يسافر سياحه كثير بالسنه خمس اربع مرات
ماكنت اقوله شي واتهاوش معه على هالموضوع بالمقابل هو بالسنه مره يسفرني للمكان اللي ابي
بس مع الوقت وصار عندي طفلتين حسيت ان المسؤوليه كلهاااا على راسي
مستشفى مواعيد انا اودي
سباك نجار كهربائي عمال زوجي ماعنده استعداد البيت كلها فوق راسي
وغيره هذا مقصر معي كزوجه
ومهما اسوي مايثمر معه ولايبين بعينه
مايفكر اني صابره على بروده وانا لسى صغيره وماينقصني شي الحمدلله لاخلقه ولاخلق
بالسنه هذي انا تعبت مره معه وصار يمر شهرين ثلاثه مايلمسني ولا يعبرني
ولاحتى يبوس
ومازالت اعذاره نفسها
وكل مادخل معها بنقاش ماطلع باي فايده يجيب لي اعذار واهيه مالها داعي
انا بالنهايه صرت افكر انفصل ماشوف هذي الحياة اللي اقد اعيشه عشر عشرين سنه قدام صرت اكره نفسي ببيتي ماصدق اطلع من باب البيت ارجع شخص طبيعي
ومن يومين انا رحت اهلي كزياره عاديه وارسلت له رساله فيها كل اللي بقلبي يافلان يتعلني منك برودك جنسياً وعاطفياً انا صرت ادمن العاده السريع ولااول مره اقولها له بصراحه
ماتحمل انك تحط امك عذرك بكل مشكله وتحملني فوق طاقتي بمكالمة وزياراة لااهلك
ترفع صوتك علي وتسبني وتلعن
رد علي بكل برود ونفس الاعذار الاولى
ومن بعدها ماكلمني ولاقالي اي كلمه وهو يدري اني وصلت حدي وودي انفصل منه
علماً اني من فترة ست شهور كذا قلت له شرايك تروح دكتور تشوف وش فيك قالي بروح وللحين ماسوا شي
انا بطبعي كتوووومه وهاديه ماحب اشكي لااحد ولااهلي لقيتها فرصه استشيركم لاني ماتوقعت اوصل هالمرحله وودي انفصل منه طولت بالكلام بس عاد مكبوته خمس سنوات تحملوني🤭
.,h[ jpj hghkrhq
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|