07-10-2021, 08:05 PM
|
مدير عام
|
|
تاريخ التسجيل: Aug 2012
المشاركات: 376,634
|
|
بعض من دقات ام زوجي
السلام عليكم و رحمة الله
بدخل بالموضوع دايركت
بدايةً علاقتي بأهل زوجي رسميه و لا فيها مشاكل الحمدلله و غالباً من طرفي لأني ما احب المشاكل و لا احب الميانه اللي تجي من وراها مشاكل و لا احب كثر الكلام و اللت و العجن ووجع الراس انا شخصيتي كذا سبحان الله اكره سوالف النسوان اتحاشها قدر الامكان
ام زوجي من الشخصيات الصريحه احيانا تصل الوقاحه و على اساس انا صادقه ما اعرف اكذب
طبعا هالطبع يسبب مشاكل لكني حريصه جداً ما يمسكون علي شي قدامهم
حصلت مواقف و احيانا اتعامل بالتطنيش و احيانا ارد في وقتها بطريقه محترمه محد يقدر يقول غلطانه
اخر موقف كلام دايم تكرره و سبق سمعته مع زوجي نفس المبدأ
انو اهلي او اهل المرأه بشكل عام ما يحبون عيال بنتهم يطولون عندهم
يعني الزياره او السفره المفروض تكون خفيفه حتى ما يطفشون منهم
لكن عيال ولدهم عادي يتقبلونهم
اخر مره بنتي تقول ان جدتها امي مشتاقه لها و تدور عليها في البيت ماهي موجوده عندهم قالت عمتي الا والله ما درت عنك وماحسبت بالفكه
و خليك من الثقه الزايده قلت لها باسلوب مزح ليه يا عمه بالعكس والله انهم يفقدونها مره
قالت ايه صح يفقدونها بس ماهو تقعد تدور عليها والله انها تبغا ترتاح من الازعاج
قلت لها والله انهم يحبونها لكن بنتي عندي ثقه عاليه بنفسها و جبتها بطريقة مزح وضحك وكنت اضحك اصلاً
و انه عاجبتني السالفه لكن بصراحه الشيطان لعب براسي لعببب تذكرت كم مره تكرر هالكلام
و كم مره اسمعه من زوجي برغم انهم ما يرفضون زيارة اهلي لكن مررره مقتنعين اننا ثقيلين على اهلي
حتى كلامهم في الناس و بنات الناس نفس المبدأ
انا حازه بخاطري مره عشان امي مسكينه ماعندها هالعُقد و اهلي كلهم ياحياتي يفرحون جدا بدخولنا عليهم
وبالرغم لو انقالت فيهم هاذي الكلمه رح يزعلون جدا و يمكن يدخلون في النوايا
و قاعده افكر افتح الموضوع مع زوجي ليه تفكرون اهلي كذا و انهم ما هم كذا نهائياً
او افكر ارسلها رساله اطلبها توضح لي ليه قالت هذاك الكلام في امي و اني استغربتها منها و لا توقعتها
شي اخر عندهم هوس العين و الحسد و اكثر من موقف يوضحون فيه تشائمهم مني عرفت من خلال اذا مدحت شيء يرجعون المقابله الثانيه يذكروني بهذاك الشي انه صار خربان الان
ما ادري وش عقليتهم ولا يمكن ظلمتهم لكن تكررت كثير جدا لدرجه خلاص طفشت و حرمت باقي امدح شي احيانا وربي تكون مجامله و كذبه لتلطيف الاجواء بيننا
يعني لو مدحت ورده في حديقتهم يرجعون يقولون لي تخيلي ذبلت و ماتت صارت زي الفحم هذا مثال واحد و قيسوا عليه ، دائما كذا مدري وش المشكله
شي ثاني الاحظ دااايم عمتي تمدح سناعة الحريم قدامي انا و زوجي و تخلطها بمدح الشكل لكن عشان ما اظلمها ماتقول تفاصيل فقط تقول جميله
و هالفعل متكرر حتى زوجي سواليف زي النسوان و يعرف حريم جماعتهم كلهم و جيرانهم و مين السنعه ومين الرفلا
انا اسايرها و استمع لها و اتفاعل معها طبيعي جدا لكن بداخلي استغرب جدددا و اتنكد وش قصدها !!
ايضا مضايقني رغبتهم نزورهم اسبوعيا واذا تأخرت مليون سؤال و يحرجون زوجي و يضطر يضغط علي و يكنسل اي شغل عندي عشان اروح ازورهم
انا ابغا اخفف زيارات حتى يبقى بيننا الاحترام و الموده لان كثرة الزيارات تكثر معها الدق بالكلام
حاولت المح له و حتى هو يشوف و يفهم قدامه كل شي بس ما يقدرررر يخليني أتأخر عنهم احيان اخليه ياخذ العيال يزورونهم بدوني عشان يقولون يشتاقون لهم لكن برضو تحقيق عني و ضغط
ايضا عندهم وحده من البنات من عرفتهم نظامها نادراً تدخل تسلم تروح كل الغرف الا الغرفه اللي انا فيها ماتدخل
كانت امها ترقع لها زمان بعدين سكتت شكلها طفشت منها
و ان تواجدت هالبنت لازم دقات بالكلام او سواليف تغث تعطي انطباع انها منزعجه مادري وش مشكلتها
سألت زوجي عنها ليه ما تسلم قالي هي طبعها كذا
ما ادري وش اقولكم تظهر تصرفات غريبه ما اقدر اجزم انهم اهل شر و نيتهم شينه
و لا سبق انهم غلطوا علي و احيانا اقول هذا لأني محترمه ما لقوا شي و بنفس الوقت ما ودي اظلمهم و اشوف عوايل ثانيه و مصايب تصير ما صارت لي و ما ادري كيف محتاره فيهم
ايش الحل
fuq lk ]rhj hl .,[d
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|