الإستعداد لهذا الأمر وتهيئة النفس والقلب لاستقبال رمضان

[ربيع الفردوس الاعلى و روضة القران]

*ملخص درس وبدأ شعبان*

*فضيلةالشيخ محمد حسين يعقوب*

تحدث الشيخ عن خطورة شهر شعبان وأنه شهر يرفع فيه الاعمال

وأكد على ضرورة الإستعداد لهذا الأمر وتهيئة النفس والقلب لاستقبال رمضان

وتساءل الشيخ ما النجاة فقال :

انشغل بنفسك ولا تنشغل بشئ اخر

انشغل بالله ولا تنشغل بما سواه

كن لله ولا يكن فيك شئ أبدا لغير الله

من أحسن في ليله كوفئ في نهاره والعكس

فعندما تسأل لماذا لا تقوم الليل؟
لانك تعصيه بالنهار

ولماذا تعصيه بالنهار؟
لأنك لم تقم الليل

وقال :
إياك تفكر أنك ستجتهد في رمضان وأنت مضيع شعبان

أظن كفانا لعب فمتى سينتهي هذا المولد الذي نحن فيه ؟؟

اترك هذا المولد وانشغل بالله وصلاح نفسك وماسيكون سيكون سواء انشغلت به أم لم تنشغل

اذن نبدأ من الآن ونجتهد في العباده

خللي لسانك يجري مع القرآن
يجري مع الذكر

عود نفسك من الآن على الصلاة
عود نفسك على قلة النوم

*عايزين نبدأ هدنة حقيقية..

نبدأ البرنامج

*أولا :الصيام*

كان رسول الله يصوم شعبان كله يصوم شعبان إلا قليلا

?اسرد الصيام
صم يوم وافطر يوم

كن اوعى تقل عن كده

وخلي بالك اذا صومت فليصم سمعك وبصرك ولسانك

كل سنه بنقول نفس الكلام ومش بنعمل قولنا عايزين نقفل فمنا ونكتب

*مغلق للتحسينات*

اقفله لربنا

عايزين نتعلم اني نذرت للرحمن صوما فلن أكلم اليوم انسيا

لسانك ده هيوديك جهنم خلي بالك اقفله شوية

لا تجعل يوم صومك كيوم فطرك
غير نفسك صلح اخلاقك

طباعك لازم تتغير

اتكلمنا في شريط زمان

*عن مواجهه الشهوة

وقولنا غض البصر

اللي مش قادر

يلبس نضارة سودا

برضو مش عارف يغض بصره

يحط قطن ف عين ويمشي ينظر بعين واحده

برضو مش عارف

حوط قطن ف عينيك الاتنين وخليهم يسحبوك

اقفل عينيك اللي هتوديك جهنم استغنى عنها عشان تحس بقيمه نعمة البصر

*عالج الأمور*

في الطريق إلى الله تحتاج إلى علاج وحلول حاسمة ..حلول فورية ..حلول نهائية

لا مؤقتة ولا جزئية

كف عن الكلام

غض بصرك

كف عن التلفونات شوية

أقبل على الله

*ثانيا القرأن

عايزين نبطل لعب عايزين نقرأ
كل يوم تقريبا 5 أجزاء من القرأن

ويمكن تقسيمهم نصف جزء قبل كل صلاه ونصف جزء بعد الصلاة

هتقولي فاتني قبل صلاة الظهر الورد

مش مهم هاته بعد الصلاة

أتعطلت ف يوم ومعرفتش

هاتهم ..هات وردك كله قبل ما تنام

واوعى تنام قبل ما تجيب وردك

?هتقولي هموت يا شيخ

موووت وقابل ربنا وانت بتقرأ القرأن

*ثالثا : خذ حظك من العزلة*

لازم في شعبان تبدأ تاخذ وقتين للاعتكاف

من بعد الفجر للشروق

ومن المغرب للعشاء لازم يكون ليك خلوة
لو عندك شغل يبقى باليل ساعه ونصف أو ساعتين اعتزل الناس
اترك التلفون اترك كل شئ
في هذا الشهر لازم تعتزل الناس نفسيا وشعورياتبقى وسطهم ومش معاهم

قلبك وفكرك كله مشغولين بالله
المساجد لازم نقدرها حق قدرها
صل وامكث ف بيت ربنا متخرجش منه هذه من الكفارات انتظار الصلاة بعد الصلاة
*رابعا : الذكر*
الذكر هو الدواء يمكن أكتر الناس بيعرف فضل الذكر متأخر لما يكبر في السن الذكر يا جماعه هو حياة القلوب
هو أعظم ما يقرب الى الله ويحبب الى الله ده مش كلامي ده كلام النبي محمد صلي عليه وسلم
قال رسول الله :
*ألا أدلكم على خير أعمالكم وأزكاها عند مليككم وخيرلكم من انفاق الذهب والورق وخير لكم من أن تلقوا عدوكم فيضربوا أعناقكم فتضربوا أعناقهم قالوا وما ذاك يا رسول الله*
*قال ذكرالله*هذا الحديث أشكل على كثير من العلماءهل أفضل من الجهاد .....نعم
هل أفضل من الصدقة ...نعم
هل افضل من الصلاة ....نعم
*إن الصلاة تنهى عن الفحشاء والمنكر ولذكر الله اكبر*يبقى لسانك مشغول بالذكر
جرب كل الاذكار استغفر الله سبحان الله لا اله الا الله اللهم صل على محمد،،،،، مش هقولك أرقام ولا ءعداد ولا وقت ولانوع جرب ...جرب كل الأنواع
اذكر لحد ما قلبك يتغسلا
لذكر يغسل القلوب

*بس لما يبقى كتييير**لا تكف عن الذكر*هذة مجرد خطة للإستعداد لرمضان
اسال الله لي ولكم القبول
*هذا ملخص كلام الشيخ*
فما كان من توفيق ف من الله وحده لا شريك له وما كان من خطأ أو نسيان ف مني ومن الشيطان
*منقووووول*

المصدر...
ساعد في نشر والارتقاء بنا عبر مشاركة رأيك في الفيس بوك