السلام عليكم ورحمة الله وبركاته
مساء/صباح الخير
انا عمري 22 متزوجة من شهرين وحاجه .. المهم بنات خالتي كبري واكبر تزوجوا قبلي اقل وحده فهم لها سنه ونص متزوجة المهم قبل فترة زواجي كانو يقولون لي رجالك ع ماتربينه ولا تعطين كل شي ومدري ايش
وكانو ينبهون علي بفترة شهر العسل لا تسوين ولا شي ولا تعودينه انك سنعه ومن ذا الكلام
المشكلة ان مفاهيمهم تعارضت مع مفاهيمي .. انا انسانه ماحب اكون عاله ع البيئة اللي اعيش فيها احب اكون رمز فعال لكن بنفس الوقت احب نفسي .. ف بشهر العسل صحيح ما اطبخ بس احرص ع نظافة البيت لاني اقدس النظافه والنظيفين لكن بعد شهر بدأت اطبخ واشوف التزامات زوجي .. يعني مثل ما انا لي التزامات هو يسويها اكيد له التزامات انا لازم اسويها .. واموري تمام
لكن قبل يومين جلسنا نسولف وسألوني بنات خالتي كيف الحياة الجديدة وكذا وكنت اجاوبهم بشكل عام اموري تمام قالو لي تطبخين ولا بعدك قلت سلامات لي شهر ونص اطبخ انصدموا !!!
قالو ان انا عروس مفروض ما اطبخ الا بعد ثلاث اربع اشهر ..
قلت لهم انه فترة فايروس واصلا خلاص شهر العسل من اسمه شهر مو اكثر
قعدوا يقولون لي ان انتي تخربين حياتك وانك تعطينه اكثر من اللازم وبعدين بيتعود يطلب اكثر دائما
واغلب بنات هالجيل ترا مدلعين وانتي من الجيل القديم اللحين امورك تمام بس بعدين تندمين
وصراحة خفت .. وكلهم اتفقوا ع هالشي .. حتى امي وخالاتي الكبار قالو رجال هالجيل مايبون سناعه زياده تخربينهم .. ماعرف يعني اذا طبخت ونظفت البيت صرت سنعه بزياده واخربه؟
انا اصلا شخصيتي قوية يعني اسوي هالشي بنفسي مو من ضعف لا احب اكون شخصية مسؤوله ماحب اكون عاله
بدأت اقارن مع البنات اللي معاي وقريبين لفترة زواجي ومن ضمنهم اخواته فعلا زي مايقولون ..!
اصلا حتى هو مصدوم من اشياء كثير اسويها يقول تصرفاتك رزينه واكبر من عمرك واوقات ينصدم اني سويت الشي الفلاني مثلا .. كان نايم لما صحى حصلني صاحيه قبله ومجهزه لبسه وسويت شي ياكله استغرب جدا قال ان مافيه سبب يخليني اصحى معاه وانا ما اداوم ولا شي طبعا اعجب جدا بتصرفي بس استغرب واستغربت انا معاه
ياجماعه انا غلطانه ولا طلعت بجيل غلط ؟
ايش تعني مقولة ولدك على ماربيتيه وزوجك على ماعودتيه !!
lj.,[m p]deh >> ,afp lr,gm .,[; ugn lhu,]jdi
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك