السلام عليكم
لي 15 سنة عايشة مع زوجي وعندي اطفال ومن تزوجنا هو يشتغل في القطاع الخاص ومعروف القطاع الخاص شركات عقود مؤقته تنتهي حسب احتياج الشركة او بسبب إغلاق المنشأة او بسبب عدم تسليم الرواتب للموظفين عشت معه في ظروف صعبه بسبب شخصيته النرجسية وبسبب بروده الجنسي وعلاقاته في فترة معينة مع انجاب الاطفال وانشغالي معهم على الرغم من اهتمامي بالتقرب منه ولفت انتباهه ولكن العلاقات المحرمة والخيانة كانت تقف حاجز بيني وبينه فلا ينظر لي مهما حاولت ان اثير انتباهه واذا اقتربت منه لايتفاعل معي يمكن بسبب اشباعه من العادة السرية او النظر الى ماحرم الله من الصور الجنسية الاباحية
فيه غرور واعجاب بنفسه لدرجه لايهتم بانه يريحني او يداري على خاطري ولايداعبني لو رغب ان تحصل بينا علاقه أسلوبه جاف وملول ولايحس بالمسؤولية حتى العيال ينامون كلهم احيان في سريرنا ولايقول لهم شي أسلوبه عوج حازم معي في بعض الحاجات وراخي مع العيال في بعض الحاجات ماعنده غيره علي ولايبيني أغير عليه والحين عاطل عن العمل ويشتغل في اوبر بدعم من اهله ماديا ومعنويا حتى مايجلس كذا بدون شغل بسبب انه مافيه وظايف وهو مبسوط انه يشتغل في اوبر انه عمل حر ..
اللي قاهرني ومتعبني في الموضوع انه مبسوط وهو يركب ناس أشكال وأنواع ويجيه تقييم وشايف روحه انه نافع الناس اللي يوصلهم ومنتفع منهم وانا بداخلي أغلي من القهر ماني مرتاحة واخاف انه يرجع لخرابيطه لو ركبت معه وحده جريئة لان هو يقول انه اغلبهم بنات يروحون كوفيهات وهو من قبل له تاريخ مع الكوفيهات والمطاعم وكان يتلاقى مع بنات فيهم لدرجة كان يبين عليه التغيير وماكان مزاجه رايق معي ..
مانيب عارفه ارتاح معه واخاف ينتكس ويرجع للعلاقات مع البنات خصوصا انه عنده سرعة قذف في العلاقة الخاصة معي اخاف انه يحاول ينسى هالمشكله ويلعب عليه الشيطان ويفتن بالعلاقات مع هالحريم اللي يركبون معه ..والله اني في هم مايعلم فيه الا الله ..تعبت ابي ارتاح اغلب حياتي معه مشاكل ولوما وجود العيال ماكان عشت معه بس ابي الستر مع ان العيشة معه فيها توتر وقلق بس ابي احافظ على بيتي ومابي احس اني فشلت في المحافظة على بيتي ومابي احد يتشمت فيني
كيف اقدر احافظ على بيتي مع هذي الظروف اللي اعيشها وقلة الراحة يعني حتى النوم مافيه راحة ومآثر هالشي على مزاجي ولالي خلق اشتغل في البيت الا غصب عني ماودي شغلي يتراكم ، الله المستعان
اتمنى انكم تساعدوني لاني صبرت وتعبت وبالي مشغول دايما ماعندي راحة بال أفكر في نفسي وعيالي وابي أموري تستقر واعيش حياة كريمة،
la;gjd .,[d dajyg td H,fv ,lhkd lvjhpm
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك