-
السلام عليكم ورحمة الله وبركاته
انا متزوجه و عندي طفلين .. من بداية الزواج وانا اصيد زوجي على علاقات بنساء متزوجات
ولا اتوقع انها توصل للزنا فقط محادثات حب و قصايد شوق .. ولا تخلى من كلمة صوري لي جسمك
طبعا .. كل فتره القاه مايكون مر على علاقتهم وقت طويل و الحمدلله بسرعه ينحل الموضوع .. زوجي كان
حليم ويمسك غضبه ويحاول مايمد يده علي لكني اختار الاوقات الغلط عشان اتكلم معه مثل اني اقعده من
النوم وهو جاي من سفر وعلى طول راح للدوام ورجع تعبان .. اخر مشكله صارت بيني وبينه عقب ماعرفت
علاقته بوحده كبيره فالسن و متزوجه و تحبه حب جنون " علاقه 3 اشهر " وتركوا بعضهم لاني سببت بينهم
مشكله كبيره و عشان يراضيني عطاني رمز الجوال لكن مااقدر النعمه 😭 .. افتش في التتتتفاصيل و في
( وقت الاستخدام ) في نظام الايفون و اشوف شنو البرامج الي قعد عليها طول اليوم ولو لقيت vpn اسسستخف و اقعد ابكي واسوي مشكله كبيره و اقعد ادعي عليه ب ادعيه كبيره جدا وقويه
انا احبه ومابي اخسره وماراح القى احد احسن منه ابداً تحملني حيل لكن الفتره الاخيره صار يمد يده وكلها
لاني مقعدته من النوم على مشكله انا كل ماتخيلت انه كان يكلم احد غيري قبل مايجي ينام يجيني مثل النار بصدري ماتطفى لين اقهره واخليه يتكلم ويحلف لي ،، امس صارت بيني وبينه مشكله اني شكيت انه تعرف
على احد وهو مسافر لانه فتح السناب عام ف وعدني اذا رجع البيت يخليني اشوف كل شي واتطمن و قال انتي تعرفين رمز جوالي شوفيه وانا نايم على راحتك بس انا رفضت لاني مابي ادقق كثير واخسره .. ف انتظرته ينام وجيت احن فوق راسه قوم افتح لي الجوال ورفض و صارخ علي وضربني ، يا مسلمه انتي تعرفين الرمز ليش مافتحتيه وشفتي بنفسك وارتحتي بس انتي تدورين المشاكل
رحت بيت اهلي بسبب ضربه لي و ماقصروا تكلموا علي قدامه واهانوني لانهم تفشلوا ان سبب المشكله جوال و غيره و صار زوجي مستقوي علي و غير رمز الجوال وقال تحلمين اخليك تشوفين شي مثل قبل انتي ماتستاهلين و صار يطنشني .. انا للان مصره انه للحين على طريق الحرام بس تعبت من الشك و الغيره احس اني مريضه حتى وانا اكتب لكم انقهرت لان الحركات هذي حركات انسانه مريضه محد يعيش معها كرررهته فيني صار مايهتم اذا انا راضيه او زعلانه :( انا بس كل خوفي يحب احد غيري لان كل محادثاته مع الحريم حب و غزل وانا
محرومه من هذا الشي معه يعاملني مثل اخته لكن مايقصر علي بإي شي ماشاء الله وانا فقعت عيني باصبعي 😢
ابي اقاوم شعور الشك و اتغاضى عنه واحاول اعيش حياتي طبيعيه بدون نكد و مشاكل
jydvj pdg whvj hgpdhi lud leg hgu`hf , k;]di ! shu],kd hjogw
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك