03-24-2021, 03:38 AM
|
مدير عام
|
|
تاريخ التسجيل: Aug 2012
المشاركات: 376,241
|
|
مستقبلي ام مستقبل زوجي
السلام عليكم انا متزوجة من 4 سنين عمري 24 وزوجي 30 زوجي من أقاربي الحمد لله متفاهين ومرتاحين لبعض تزوجنا وانا باقي لي 3 سنين واخلص جامعة وهو راضي انا بالرياض وهو بالمنطقة الشرقية كل وينكد يجي بطيارة توفرها دوامه شغله بمنطقه نائيه وكنا مخططين اخلص دراسه واروح معه
تخرجت صيف 2020 وبالحجر وازمه كرونا ما قدرنا ننقل هو منحجر عند دوامه وانا مع اهلي وبالفترة ذيك كنت ادور وظايف واقدم انقبلت في تدريب غير منتهي بالتوظيف عند وزارة حكومية مدة التدريب 6 شهور وافق حالياً خلصت 5 شهور وباقي لي شهر والمكان الي انا فيه عندهم شاغر ولو الح عليهم بيوظفوني لكن عقد وليس حكومي
بدخل في المشكلة المنطقة الي بننقل لها قرية تبعد عن دوامه ساعة وهو شغله 12 ساعة الحمد لله شغله يدخله خير وحالتنا جداً زينه يارب لك الحمد القرية هذي ما اعرف ولا احد فيها ولا فيها فرص وظيفية ولا اي شي ممكن اشغل نفسي فيه حتى نادي مافيه حاليا يقول خلاص خلينا ننقل وانا صراحه متخوفه وفي نفس الوقت الفرص قدامي الحين وامانه هو مايقصر مادياً هو يقولي تبين تجلسين وتتوظفين اجلسي بس محتاره وخايفه
خايفه اروح له واصير دفنت نفسي في هذيك القرية وامانه ماني معطته الامان الكامل خايفه مستقبلاً يتغير علي وهو انسان جدي بزيادة حس الفكاهه قليل عنده ولا يبادر بالتغيير ابد يعني في 4 سنين ولا مره قد كشتنا مثلا مع انه شي مايكلف بس مايسوي شي انا اتكلم وهو يطنش وفيه سفره قد رتبت لها لدبي 5 ايام وحجزت وخلاص كل شي جاهز قبلها بيومين دق علي قالي مالي خلق خلينا نكنسل اقوله ليه يقول مالي خاطر طيب وفلوسنا يقول خليها موب لازم اصريت عليه وراح على مضض واشياء كثير زي كذا وصراحه الفترة الي جالسه فيها عند اهلي ماني مرتاحه ونفسيتي تقفل من وضع حياتي واذا فكرت فيها اقول يبقى احسن من لو اروح معه
احترمه واحبه واقدر تعبه وودي يعيش زي الباقي مع بيته وعياله ( للحين مابينا عيال ) لكن كثييير تجيني فكره الانفصال
يقول اذا تبين اجلسي بالرياض وبشتري بيت واجلسي فيه وكل ويكند بجيك بس ماهي حياة تمر علي ايام احس اني مكلفه فوق طاقتي تعبانه نفسياً جداً بس احاول ما افكر بالعواطف واركز على مستقبلنا بس عجزت احتاج مشورة احد
والي بيقول ينقل او غير دوامه رااافض بتاتا لدرجة اشتد النقاش بينا قبل يومين عشان الوضع الي عايشينه قلت لو خيرتك بيني وبين دوامك قال اكيد دوامي طبعاً مو انه يفصل يغيره او ينقل لمكان ثاني وهو رافض الفكرة بتاتاً
وش رايكم اخلي كل شي واروح له ولا اجلس طبعاً الرياض فيها اهلي واهله عشان محد يحسب اني بجلس عشان ابي اهلي
lsjrfgd hl lsjrfg .,[d
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|