02-12-2021, 02:40 AM
|
مدير عام
|
|
تاريخ التسجيل: Aug 2012
المشاركات: 376,634
|
|
اهانة زوجي
السلام عليكم
انا متزوجه من ثلاث سنوات عمري 21 وزوجي 34 تزوجت صغيرة بسبب ابوي الله يسامحه
زوجي هو قريب لنا وابوي استعطف مكانته وقالي انا ابوك كيف ترضي زعلي ومن ذا الكلام وامي حاولت تقنعه اني صغيرة وما عندي رغبة في الزواج قام يدور الكلام ويقول بتصور مشاكل والمفروض تعرفي ان ابوك ما يبغا لك الا الاحسن والرجال طيب وووو الى ان وافقت من الضغط وزعل ابوي وملكتنا كانت شهرين تجهيز للزواج ما زارني الا ثلاث مرات يقول لي ابي كذا وكذا وانا اتصنع الى ان تزوجنا وانا متضايقة بس شفت فرحة ابوي وقلت اكيد بتكون حياتي افضل واقنع نفسي انه بعيش مرتاحه
بس للاسف من ثاني شهر ضربني على وجهي لاني نسيت احط له الاكل وقام يصارخ وبكيت وقمت اصارخ كردة فعل واقوله ترا اكل يا مريض ورجع ضربني ويلعن ويسب ويقذف وطلع من البيت ولا كانه صاير شي
كلمت امي وانا اشاهق وحالتي حاله وقالت اصبري توك في بداية الزواج ولا تعصبيه ولا تقولي لابوك، طبعا ابوي عنده الي يضرب مره موب رجال بس وقتها كان مريض وتفهمت امي وسكت
وظليت على ذا الحال احاول ما التفت على شي يعصبه واغصب نفسي اجامله واعطيه حقوقه وما اقصر معه وكل ليلة ادعي ربي يفرجها، دراستي وقفتها بسببه صديقاتي قاطعتهم اهلي ما اشوفهم في السنه حسنة
وياويلي لو قلت له ابغا اطلع اتمشى يعتبر ذا عهر وفسوق ووو وهو يطلع من الصبح ما يرجع لاخر الليل
والله حتى الفراش مقدر غير اسكت والدموع بعيني من وحشيته لدرجه يصير لي نزيف، حملت مرتين واجهضت بسبب اهمال صحتي وغيرها وهو ولا عليه ولا هامه
حرفيا ما شفت منه شي طيب كله اهانات واوامر والله حتى الاكل ما اكل معه في نفس الطاولة يخلص وانظف جسمي تشوه من الضرب صرت جسد بلا روح لو احلف لكم ان الجوال هو الشيء الوحيد الي يخليني اتواصل مع الناس واشوف حياة، زوجي غريب ما اعرف عنه شيء غير ضربه واهانته وتأمره
قبل سنه تقريبا وقف معاملته السيئة ذي وصار حنون وكانه يشفق على حالي واعتذر لي وقال انه ندمان على الي سواه قبل وانه يحبني وووو وصار يطلعني وانا نفسي عافته والله يوم اعتذر مني ضحكت بعد كل الي سواه يعتذر والمفروض اقابله بالاحضان؟ مستقبلي ودراستي والحياة الي كنت مخططه لها راحت عشان واحد نفسه والله اني حتى الاكل صار يسد نفسي وسبحان الله صار يخاف علي ويأكلني وانا من داخل اتقزز، اسامحه على ايش بالضبط كرامتي الي راحت من اهانته وش وضعها؟
والله اني كارهته وجابره نفسي عليه ماقدر اتقبله بعد كل الي سواه اصيح كل يوم لعل الله يفرجها واقدر اعيش حياتي طبيعي بدون خوف ورعب حتى بعد تغير معاملته بس يناديني يجيني رعب وغصه وارتعد صار اي احد يصارخ ابكي واتذكر صراخه نفسيتي تدمرت وصحتي ماتت
والله تعبت ومالي الا الله ثم انتم
hihkm .,[d
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|