01-15-2021, 04:32 AM
|
مدير عام
|
|
تاريخ التسجيل: Aug 2012
المشاركات: 376,532
|
|
زواج او وظيفة وفلوس
السلام عليكم حالتي صعبة صراحة 💔
خلصت من الجامعة وكنت مليانة طااقة ومتحمسسة وزبطت السي في وبأخد دورات وخططت لمستقبلي وايش هدفي فجأة لقيت كل شي مسدود حولي كنت ابغا اتخصص في حاجة وبتدرب عليها بس احتاج فلوس قلت يلا ادور ع اي وظييفة بس عشان الفلوس واقدر اتدرب ومالقيت قدمت ع كل حاجة اما تكون بعيدة عني اويبغو خبرة
او اهلي يرفضو حاجة فيها اختلاط قلت احاول من هنا ولا هنا ماقدرت وتركت الموضوع وقلت خلاص ع الله يعني صرت بس اقدم واقدم بدون ما استنا شي بس مع الايام لقيت نفسي ابغا فلوس كثير حاجات ابغاها مااقدر اشتريها اهلي يعطوني مصروف بسيط مرا وما يكفيني واحس اني محتاجة 😟 يعني مثلا نخرج مكان ابغا اشتري شي مااقدر ماعندي ومااحب اطلب من اهلي كثير دخلت مشروع بسيط وصغير مع قريبتي قلت استفيد من وقتي شوية المشروع كويس بس لسه ماكسبنا حاجة وبعدها جاني تفكير الزواج صرت ابغا اتزوج قلت اتزوج ع الاقل في احد يصرف عليا وفي احد معايا ويملى وقتي واصير شوية مشغولة بس فين العريس ي حسرة😩 صار اغلب تفكيري زواج وظييفة فلوووس ادري الارزاق بيد الله واني المفروض ارضا واتقبل واحاول انا حاليا جالسه اشغل نفسي بأشياء مفيدة بس برضو عندي وقت كبيير ع الفاضي يروح اسفه ع الكلام الطويل بس ودي افضفض من زمان 😩💔
.,h[ h, ,/dtm ,tg,s
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|