12-08-2020, 04:48 PM
|
مدير عام
|
|
تاريخ التسجيل: Aug 2012
المشاركات: 376,634
|
|
م احس بطعم الحياة 😿.
السلام عليكم اخواني و اخواتي
انا متزوجة من 4 سنوات
عندي طفل عمره سنتين وحامل على وشك ولادة
مشكلتي اللي متعبتني هالفترة بالنهاية اتمنى تساعدوني وتفهمو وضعي
و مشكلتي
مشكلتي من اول ماتزوجت زوجي كان يعطيني وعود
اذا بغيت حاجة او طلبت حاجة يقولي ابشري و ابشري نادر ينفذ
حتى كان خاطري ب السفر وتغير الجو قبل العيال والمسؤوليات
وهالشيء انحرمت منة وقلت عوافي العوض بكرى
وهالشيء قام يزيد شوي شوي ينقص من مصروفي
احيان احتاج اشتري ملابس واكسسورات يرفض وياجل
وانا صرت استحي اطلب و اكرر وعارفة نهايته ابشري وبس
صرت لمن اختلط فالبنات واشوف ملابسهم واكسسوراتهم يضيق صدري
مو حسد بس على عمري ونفسي 💔
وزوجي إنسان مقتدر مادياً وراتبة كويس حتى لولده مايشتري له
غير الضروريات وعادي يبكي يبي لعبة ومايشتري له .
يقول عنده زيها بلبيت .
اغراض صيدلية عطور مكياج اذا نقصتني اسكت مستحيل اطلب لانه
يقوم الدنيا و يقعدها ويسالني عن المصروف وين راح وش سويتي فيه
مع ان المصروف دوب يكفي تجهيزاتي للولادة
واول دوب يكفي اشتري كم لبسة
وبصراحة هالفترة كارهه كل شيء حتى شامبو م عندي
لو قلت له ممكن يعطيني لكن بعد كلام وهواش و اسئلة
ونا وصلت لمرحلة ماعاد ابي اطلب خوف و قهر وكل حاااااجة
انتظر الشهر الجاي وهكذاااا
طبعاً بسبب القيل و القال والنصايح من اهلة لو قالو لاتعطيها م يعطيني
وهو الوحيد بين اخوانة اللي يسمع لامة
وانقهر واشوف حريم اخوانة كل وحدة تشتزي اللي بخاطرها
وانا حتى عطري من ابو خمسة استحي اطلعه من شنتطتي ...
هالفترة مريت بمشاكل معاه لاول مرة يمد يده علي و يطردني ويهيني
وقعدت عند اهلي شهرين كاملة لان صبرت علية
ياذيني نفسياً بالكلام و التحبيط
انسان دقيق حطي سوي افعلي واذا طبخت عيب
واذا حطيت القهوة زي مايبغى شرب فنجال ونزل يكملها عند امه
واذا كنسلتها قام يدور مشكله سويها واذا سويتها و م اعجبته
عادي يكبهاااااا
اول كنا متفاهمين مادري وش قلب ووش صار بالدنيا
ماعاد احصل ضمة ولا كلمة طيبة عايشين في بيت واحد بس .
كرهت اكل معاهه و كرهتت اشوف وجهةة ونفسيتي هالفترة جدااا متحطمة
لو قلت بجيب شغالة بالساعة قوم الدنيا فوق راسي
تعبت من شغل البيت و الغسيل و صار مخي مشوش مو قادرة اركز
وانظم ودخلت في قلق وصرت م ارتاح حتى ولدي اهملته
حتى البطانيات م يوديها للمغسلة
ولا هو يساعد بس نقد نقذ نقد
رحت لاهلي اسابيع عشان ارتاح ارجع الاقي الشغل دبل دبل
والبيت ريحته طالعة من برى .
وبصراحة تركت كل شيء لاني ثقلت
لاطبخ ولا اجلس بس من يقوم نتغدا و ارجع انسدح
وصاير يدور مشاكل وكلام
لدرجة كم مرة يصحيني يقولي قومي جاييني ضيوف
واقوم انظف وارتب واصلح القهوة والشاهي
ويكون بس هو يقول ماحد جاييني بس ابغاك تقومين تتحركين!
قالي قومي اطبخي قمت وطبخت وتغدينا ونزل لاهله وزل لساني قلت بدري
نزلتك مبكرة شوي يرفع صوته ويحذف الشبشب علي
واسسسسكتتتت واطنننننش وانام واصحى يسالني ليه معصبة
لية زعلانة
خلاص انسي
انسى ايش وهالشيء يتكرر!!
طلعات يطلع كل عصر وممنوع اعرف وين
باختصار مشكلتي هالفترة تعبانة من كل حاجة وكارهه كل حاجة
واتمنى بس ارجع زي اول واقدر حتى اضحك و انبسط و اشتهي البس واسوي
كل شيء ماعاد يغريني
ومقهورة على عمري اللي ضاع ع مسؤوليات اكبر مني
وحياة مشقيتني
و عدم مساعدة و اهتمام حتى من اقرب شخص .
وخايفة من قدام و الحياة اللي تنتظرني
واكرهه اشوف احد احسن من يضيق صدري على نفسي غصب عني
لانه حارمني من اشياء كثير كان خاطري فيهاااا
ودايم في خاطري اذا راضاني لو بعد اللي يصير
اسامحة و ادعيله ان الله يسخره لي و لعياله😿
مدري انا رح اقدر ارجع والا خلاااااص بقعد كذة 💔.
l hps f'ul hgpdhm 😿>
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|