السلام عليكم
زوجي أكبر مني ب١٠ سنوات متزوجين من ١٠ سنوات عمري ٢٨ زوجي ماعمره وقف معاي حتى لو انظلمت يطلعني غلطانه دائما.. زوجي أصغر واحد بأخوانه والخطأ كان من طرف أهله ام زوجي من بدايه زواجي كان عندها مفتاح لشقتي ع اساس لو صار شي واحنا مش موجودين و هذا رأي زوجي طبعا لكن صارت تدخل شقتي بحاجه وبدون حاجه وانا برا البيت في الجامعه مثلا او عند اهلي أو طالعه مع زوجي ومفتاح شقتي تعطيه سلفاتي واخوان زوجي اللي يطبخ بمطبخي واللي ينام بغرفتي بعيدا عن الإزعاج واللي يسبح بحمامي واللي ياخذ اجهزه وأشياء كثيرة من شقتي بدون علمي ويوم اكتشفت وتكلمت زوجي قلب الدنيا على راسي انتي ماتحبي المساعده وحقوده وحسوده واهلي انا سمحت لهم يدخلوا وهو مايدري عنهم لكن عشان يخرسني وانا ماعندي مشكله اساعدهم لكن باستئدان.. ومثلا يوم تخرجت من الجامعه اخو زوجي كلم زوجي يجيب شهادتي وأوراقي الرسميه لأنه يعرف شخص يمكن يوظفني سلفتي يوم عرفت رفضت وعملت مشكلة وصراخ وزعل وقطعت أوراقي!!
شهادتي جامعيه مختومه من الجامعه واوراق رسميه قطعتهم وزوجها دق على زوجي وزوجي حطه سبيكر مايدري بالكلام اللي بيقوله اخوه وسمعت كل شي باذني زوجتي عملت مشكله وصراخ ورافضه اوظف زوجتك وقطعت الأوراق! زعلت وتضايقت مو ع الوظيفه على تصرفها لأن مابيني وبينها إلا كل خير سافرت معاها يمكن خمس بلدان او أكثر وناكل بصحن واحد انصدمت منها.. ومن يومها علاقتي فيها سلام وبس
زوجي صار يضغط علي يبي نسافر معاهم ونروح ونجي طلعات ومشاوير وكأن ماصار شي وانا أرفض وصار يتهمني حقوده حسوده نكديه غيوره وهي بالنسبه لموقفها يقول مالك دخل فيها ايش ما سوت هذي أمور بين الإخوان ايش دخلك؟! ولاتشربكين الأمور..
يعني إيش ماتسوي فيني اسوي نفسي مغفله ولا ادري ولا لي اي ردة فعل ونفس الشي زوجة اخوه الثاني ماتزورني لا في ولاده ولامرض ولا عزاء ولاتلبي دعواتي لها في اي مناسبه كنت ازورها واواصلها ويوم شفتها ماتواصلني ولا تعزمني مع انها دايم تسوي عزومات وانا ماتعزمني وبطلت اعزمها واواصلها وزوجي يبيني استمر ازورها واواصلها ويتلفظ علي حقوده حسوده ويصرخ في وجهي عشانهم ويتهمني بصفات ماهي فيني وتصير مشاده بيننا في الكلام هو يرمي على أوصاف المفترض ماتنطبق على تنطبق على الطرف الثاني واخر مره عزمت أهله من اسبوع عزيمه جماعيه ماخصصت احد كتبت تفضلوا اليوم الفلاني بيتي وجو أهله كلهم وإخوانه واعيال إخوانه ماعدا أمهاتهم (سلفاتي) اكرمتهم وضيفتهم الصغير قبل الكبير ويجي زوجي مجلس الحريم لأن مافي احد غريب أخواته وأمه وبنات أخواته وبنات إخوانه ويروح يسأل بنت اخوه وين امك ليش ماجات ويروح مجلس الرجال ويسأل ولد اخوه وين امك انت بعد ماجات تضايقت منه وبعد طلعتهم كلمته بهدؤ انا عزمت الكل اللي بيجي الله يحييه واللي مايجي براحته ليش تروح وتسأل وين فلانه وين علانه وليس ماجات امك هذي أمور حريم ليش تسأل عن الحريم غلط علي وزعلني اقلبي وجهك وانقلعي ولاتتدخلين وانتي مقهوره وحقوده
وانا والله تصرفاتي ردة فعل مافي شخص عنده عزة نفس وشويه احساس بيستمر بعلاقة من طرف واحد مافيها اخذ وعطى انا اللي اعطي وانا اللي أزور وانا اللي أوجب وانا اللي انغث واسكت وإذا ماسكت بيزيدني من عنده مغثه بكلامه واتهاماته..
ايش رايكم هل الموضوع عادي ومايضايق وانا مسويه دراما صرت أشك من كثر مازوجي يغلطني عطوني رايكم وايش تتصرفون بهذي المواقف وخصوصا مع زوج نفس زوجي؟؟!
.,[d d[fvkd ugn l,hwgm .,[hj Yo,hki ,djilkd fhgpr] ,hgps]
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك