السلام عليكم
صباحكم خير وسعاده
انا متزوجه من عشرين سنه
صارت سالفه اول ماتزوجت
كلام طلعناها انا وسلفتي
عن اهل زوجي هي تكلمت وانا تكلمت
تعاقبنا وخلصت السالفه
من ازواجنا
السالفه قديمه حاليا مره عليها 15سنه
اقسم بالله انا اكثر وحده انظلمت بالسالفه. لانها طلعت كلامي كله لاهل
زوجي بس انا ثلاث ارباع كلامها ماطلعته ويشهد الله علي
عشان مابغا المشكله تكبر. زوجي عارف كل شي
وصارت علاقتي باهله رسميه
فقط مناسبات واجبات ولاده عزا مرض. اما زيارات زي زمان مافي
بس ظلت سلفتي هذا الي تمشكلت معاها حقوده ونفسه شينه علي وربي
شاهد وجها ينقلب باي مكان تشوفني وتحاول تفشلني باي مناسبه
تحدني بالكلام وتضحك او تستفزني وانا امشي لها اصلا من وين
لو ين اشوفها اذا صار عندي مناسبه فيها ناس كثير
اناديها وهي بعد. تجمعات صغيره لاا تفاديا للمشاكل
المهم سلمكم الله الفتره ذي قرابة سنتين اشوفها في مناسبات
اهل زوجي نفسها شينه علي تكررهني احس فيهاا انها حقوده من نظراتها
وربي الانسان يكره المكان الي فيه انسان حاقد انا كذا اتحسس
طبعا اسوي نفسي ماشفتها بس منتبهه
المهم ماتت عمتي وماتت خالتي مااتصلت ولا حتى رساله وترى للعلم فيه قرابه
بيننا انا وياها من بد سلفاتي
خليتها عادي لاتتصل العزا لله اصلا. المهم مات خالها قبل ست اشهر
وفي دوله ثانيه هو وماعمرها شافته اصلا. المهم قلت خلني ارسلها رساله
رسلت لها كيفكم يافلانه كيف العياال وابوفلان وعظم الله اجركم وووو
قالت لي كلمه وحده عليكم السلام جزاك الله خير
بعدها جا العيد رسلت لها رساله اعايدها ماعبرتني
حاليا عرس اختها عايشه معاها بالبيت وزواج مختصر طبعا نساء فقط يوم السبت القادم وانا والله مااقدر اروح
زوجي مانعني حاليا بسبب انه مخالط واحد مصاب خايفين لسى من
التجمعات وكذاا. بس استغربت انها حتى ماعبرتني ولا عزمتني
وعزمت كل سلفاتي الا انا
وش الحل مشكلتي قلبي طيب ويحب الخير للناس والسلام ماحب احد
كذا يقلب علي فجأه. وانا متاكده الف بالميه اني ولا مره جبت سيرتها بمكان واثقه من نفسي
ليش التعامل السيء هذا وكل وحده منا في بيتها لحالها وفي السنه مره نجتمع
اعتذر منكم طولت بالكلام من قهري حبيت افضفص بس :blo-hear:
luav hgkshx hgp;dlhj htd],kd
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك