07-11-2020, 05:32 PM
|
مدير عام
|
|
تاريخ التسجيل: Aug 2012
المشاركات: 376,532
|
|
تأيدوني بالطلاق العاطفي
بسم الله
السلام عليكم
ماعرف اقول مقدمه لكثرت الضجيج براسي بس بخلص كلامي
انا متزوجة لفتره اقل من 10 سنوات عندي اطفال
قبل الحجر اكتشفت زوجي متزوج بالسر
واجهت طلبته يطلقني رفض فقلت اجل طلقها بعد فتره قال طلقتها وللأسف كذاب ( لا احد يقول ليه طلبتيه يطلقها )
بفتره الحجر ماطلع لي تصريح عشان انزل لاهلي فجلست لين بعد العيد ونزلت جلست عندهم فتره
الاطفال مره متعلقين في ابوهم و طوال الوقت يسألوني عنه الخ
غير انه وضعي عند اهلي كان غير مريح جداً لاسباب احتفظ عليها
اعتبرت هالنزله زيارة ورجعت بعد شهر لانه محد يدري عن هالموضوع ابداً
انا ابغى اجلس معه و اقوله انه نكون زوجين بشكل صوري عشان الاطفال يأمن لهم مصاريفهم و انا اتولى حياتهم
و احدد له 3-4 ايام بالاسبوع يقضيها بشكل تام وبالاضافه انه يحدد من ضمن الايام 4-3 جمعه او سبت واذا حب ينام ياخذ راحته
لكن انا بمعزل عنه لاني عفته من كل قلبي
ماعاد له شي عندي وان شاء الله ربي مايغضب علي دام فيه من متولي موضوعه وقايم فيه
يعني بيكون طلاق عاطفي بمعنى اصح
فكرت بالموضوع بهالشكل لانه للحين ماعندي دخل مادي قوي استند عليه و اطلع من قشور وذل هالحياه
ويعلم ربي اني احس باهانه وهدر لكرامتي بس نفسيت عيالي مابحطها ع المحك وهي اهم من كل شي اهم شي يحسون بامان اسري وخاصه انهم صبيان يحتاجون ابوهم كثير (لو اني تطلقت وجلست عند اهلي بتطول الزيارت بحكم المسافه)
هل تأيدوني بهالوضع لفتره سنه سنتين بظل هالازمه ولين احصل لي وظيفه بنفس المدينه واخذ لي شقه و اتطلق بشكل رسمي او عندكم نصيحه افضل
(الرجال مسوف و مهملنا من قبل اعرف بالسالفه بس كان يتحجج بضغوط الشغل والخ ولا كان يسال ولا يتطمن لا علينا حتى بفتره جلوسي عند اهلي ولا اتصالات و رسائلي اخر من يرد عليها وغالباً و لا رد يعني احنا في اخر القائمه عنده بس بالفتره الاخيرة اذا صار متواجد بالبيت مايقصر يقابلهم ويشوف طلباتهم )
رجاء لا احد يزيدها علي بكلام يوجع احتاج كلام عقلاني
هالموضوع صعب جداً علي ماقدرت افتحه مع احد لااهلي ولا صحباتي ولا احد
jHd],kd fhg'ghr hguh'td
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|