السلام عليكم
ما اتكلم بصفتي زوجة
اتكلم بصفتي شخص تجرع مرارة العيش مع اثنين كارهين لبعض
انا وحده يكسرني ضعف امي وتكسرني دمعة ابوي
كنت اشوف المعاناة فيهم اثنينهم، كنت اشوف الوجه السيء لكل واحد فيهم مع بعض
وكان الثاني ابليس مو ادمي
ماودي اتكلم كثير بهالموضوع ولكن الطلاق الاخير، طبعًا مافيه رجعه مثل ماهو موجود بالشرع
كل شيء طاح فينا، كل واحد صار حاقد وقلبه مليان كره للثاني
وهالرسايل ماتروح الا لنا كابناء، اخواني مايشمون الريال
اهم شيء اكل وشرب وعندهم بيت يضفهم.. وهذي قناعة الوالد من يومه طفل
حتى هو بخيل على نفسه.. ملابسه وجزمه سنين مايغيرها لين تهتري
لكن احنا ككبار وطلبة جامعيين عندنا مصروف الجامعة
كانت امي شايله اشياء كثير بالبيت رواتب الخدامات.. مقاضي البيت.. ملابس اخواني
اغراض البيت من اثاث وغيره
والحين تركتها كلها وابوي مستغني عن كل هالاشياء، تعبت اشوف قهر امي على نفسها
والي يتعبني اكثر كلامها عنه عندي، وكلامه عنها عندي
كل واحد يحسب انه يكيد للثاني لكن مايتعب ويعاني الا احنا
اخواني من السنة الجاية بيودعون مدارسهم الخاصة لاول مره
والبيئة الحكومية للاولاد شيء ماينوصف💔
من طفولتي كنت موقنة ان عيش الاثنين مع بعض غير ممكن
بس كنت اتحامل لاني ادري بالانفصال بيصير الي امر منه
كنت اعرف ان كل واحد بيرمي مسؤولياته على الثاني
انا مريت وربما تعايشت بس كيف اخواني؟ لازال منهم اطفال ومحتاجين
احتواء واستقرار، مومعقوله ان الواحد يطلب من اهله الواجبات الي يفترض انها
تجيه بدون طلب!
سكوتي وعدم مناقشتي معهم ان كل واحد فيهم وصل لمرحلة من التعب النفسي
الي تخليه يقول "ماعاد ابي اعيش" وفعلًا ماعلى لسان ابوي الا
انا حياتي بالاخرة مو هنا، انكتب لي بالشقاء بهالدنيا
وامي مو على لسانها الا حسبي الله ونعم الوكيل، والله يعوضني بحياتي
وشبابي ونفسي بالجنة
مقبلين على فترة استقرار امي في بيت خاص وصغير نوعًا ما (حفظًا لقدرتها المادية المحدوده)
ابوي بيتزوج هالفترة والي تعني شح عظيم راح يمر علينا ومرمطة اذا طلبنا منه مقاضي للبيت
البيت قايم علي انا واختي
ومافيه الا اولاد بعدنا، اثنينا زواجنا قريب.. وموعارفه نوع المصيبة الي ممكن تصير
يعني بيت فيه اولاد فقط بدون خدامات وفيه منهم صغار 6-9 سنوات وابوي رافض ان امي تسكن عندهم
انا بهالحالة وش اسوي؟
والله اني وصلت لنقطة احس فيه شيء لان الي يصير لنا ضرب من الجنون
لكن ما اقول الا يارب تولانا برحمتك ولطفك
امي وابوي اصحاب دراسات عليا واثنينهم قدام الناس حكيمين ويحلون مشاكل
وتعالوا تأملوا وضعنا هههه ..
ادعوا لنا، لعل احد منكم مستجاب الدعوه
+ جربت اجيهم بالكلام وابين لكل واحد حق اولاده عليه لكن دايم الامور توصل للطرف الثاني
يعني عادي جدًا اقول لابوي احتاج مصروف لاخواني ويجي يقولي شارب؟ ماكل؟ عايش بييت؟
هذا حقه علي يبي فلوس خلي امك تعطيه..
lrfgm ugn ;vf u/dlK hktwhg fu] 25 skm .,h[
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك