السلام عليكم
باختصار انا متزوجه وأم لثلاثة اطفال وعمري 31
اخوي اصغر مني عمره 28
على وجه زواج الله يوفقه
المهم اخوي ساكن مع اهلي في شقه فوق والحين يأثث ويضبط
وخلص الأثاث والمطبخ وكل شي
المهم علاقتي في امي ممتازه الحمدلله وفي اخوي هذا ممتازه
وداااايم يمزح ويعلق معي ومع عيالي ويحبنا ونحبه
صح ان مزحه ثقيل ويجرح احيانا بس أمشيها بحكم الأخوه
وارد عليه مثله بمزح وتمشي الامور
المهم انا عند اهلي قبل يومين وكنت ابغى مويه وخلصت العلب
قال انت عندي في شقتي كراتين مويه تعالي خذي واحد لغرفتك
قلت زين الله يعافيك
واطلع فوق معه انا وبناتي وأختي ونضحك ونسولف وجينا عند الباب
ودخل وصك الباب قال دقيقه بجيب كرتون !!!!
انصدمت وحسيت بغصه
اخوي يخاف من العين كثير ويخاف حتى من الأطفال يحسدونه
اعرف شخصيته وادعي له الله يهديه ويخلصه من هالصفه
بس ماتوقعت يوصل الموضوع اني أوصل لباب شقته وينصك الباب
في وجهي انا وبناتي علما بان الكبيره عمرها 12 يعني اطفال !
قبل كم شهر أهديته انا وزوجي مبلغ حلو مساعده لزواجه
توقعت رد الجميل انه اقل شي يقول تعالي شوفي وش رايك !
توقعت ان امي تقول ماوريت أختك شقتك اطلع فوق وخلخا تشوف
توقعت وتوقعت وليتني ماتوقعت شي
اخوي اشترى هو وامي طقم الزواج وللحين ماشفته
ولافكرت امي تقوله حبه خل أختك تشوفه !
مثلي مثل الغرباء بشوفه ليلة الزواج
مصدومه وأحس بخيبة وأهانه كبيره منه ومن امي
انا اخته الكبيره مافي غيري الا وحده صغيره
اخته اللي دايم تضحك في وجهه وتمزح معه
اليوم كانت موجوده بنت اخوي الكبير وهو يقول انها عينها حاره !
دخل المطبخ يأكل وكانت امي في المطبخ
وقفل باب المطبخ وانا جالسه في الصاله اللي جنب المطبخ
والأطفال راحوا يلعبون في مكان ثاني
قفل باب المطبخ في وجهي وجلس يأكل على طاولة الطعام في المطبخ !
هنا قررت أتكلم لان الوضع زاد عن حده هذي مو اول مره يسوي اخوي هالحركه
بس انا هالمره مليانه كلام ومااقدر اكتمه اكثر
طلع من المطبخ وانا رحت الغرفه بعدين جت امي قالت ماراح تتعشىن الحين
قلت لا مو جوعانه بعدين جاء اخوي الغرفه (( حسوا هو وامي ان خاطري مو زين ))
قلت الله يشفيك من المرض اللي انت فيه قال انتي ماعانيتي من العين (( يقصد بنت اخوي الصغيره عمرها 8 سنوات ))
اخوي سبق وتعب وبعدين بالرقية الشرعية رجع يتعافى ومن بعدها وهو حاط في باله
انه اخوي زوجة اخوي وبنتها يحسدون !
المهم قال يلا تصبحون على خير
وقلت لامي عن موقف الشقه وعن موقف المطبخ وان اللي قاعد يصير قلة حياء
ومهزله وقلت لأمي انتي للأسف مساعدته على هالشي ماقلتي أختك الكبيره قاعده
وعيب هالحركات والتصرفات اللي محد يرضاها
وقلت لامي انتي مفضلته علينا كلنا
وللأسف انفعلت شوي بالكلام بس فيني قهر وغبنه منه ومن امي وسكوتها
للأسف شخصية امي ضعيفه ماوقفته عند حده وتضحك وتسكت لما يعلق
عن العين ويخبي اي شي في يده لما يشوف الأطفال وخصوصا بنت اخوي
وهذا اللي خلاه يتمادى
الزبده اني قلت لامي انت بروح بيتي لانكم للأسف كرهتوني في القعده
نفسيتي تعبانه وجدًا كارهه اهلي وبيت اهلي 💔
كيف ممكن اتصرف
l,rtd lu ho,d yvdf hgH',hv ,hld ,v]m tugd !
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك