08-04-2020, 02:40 PM
|
مدير عام
|
|
تاريخ التسجيل: Aug 2012
المشاركات: 376,634
|
|
وضعي المادي ....
السلام عليكم ..")
بختصار انا شخص عمري 27 ..
متزوج ولله الحمد ..ومتوظف ولله الحمد ..المهم والاهم
اكيد انتو عارفين الوضع اللحين وغلا الاسعار ..المهم انا علي قسط ..ياخي ربع الراتب تقريبا
وعلي اجار شقه ومصاريف ...ألخ
الحمدلله حياتي ماشيه ...وانا وزوجتي متفاهمين ..لكن هالفتره نقلت لشقه جديد ..
ومع نقل عفش تغير بعض الاثاث تلخبط وضعي المادي خصوص اني اتسلفت والالف راحت حقت الملك
وزوجتي راح عنها حافز يعني من الاخير مايبفى معنا الا مايبقى من الراتب وياالله مع التدبير يمشينا
...زوجتيو اقفه معاي الحمدلله ومقدره ظروفي ..بس والله تحز بخاطري وي اشتري لها هدايا ..ودي ودي
لكن ذراعي ملويه ..غصب عني رغم اني مااقصر معاها بشي يوم معاي..لني انا اصرف على امي وعليها
وانسى نفسي تماما..وهي دايم تقولي منت مقصر بس احسس بغصه ودي اعطي امي واعطيها بس
الي يبقى يادوب يكفي مبلغ لايذكر ...والله مو بيدي وهي تقول منت مقصر...بس هالغصه مو مفارقتني
تعبت ..وعلي قرض بيخلص بعد ثلاث سنوات ..وعلي دين بسيط ..لني احتجت رغم اني مااحب الدين
المهم احاول بكل مافيني..ماااخلي شي ينقصها ..بس دايم تقولي الاحظ عليك شرود الذهن ولاتفكر ..
انا متلخبط بكلامي بس جد ضسق الحال متعبني شوي رغم اني متفائل جدا جدا ..وحامدي ربي على كل حال
طبعا مااقدر اشوف لي عمل ثاني لاني انا عسكري ..وفوق ذالك متغرب عن اهلي متحمل كل هلاشياء
بس نفسيتي احسها تدمرت ..وانا عشت ظروف صعبه لن والدي متوفي الله يرحمه وانا صغير ..هموم وظروف من كل محل
رغم اني صبور ودايم اعطي الناس امل في الحياه بس انا هالفتره احس اني منهار مااحب اشكي لحد لكن جيت افضفض
واشرح لكم ..لعل دعوه منكم تسعدي ..وانا اتصدق واحط مويه للحيوانات واكل احاول اسوي اي شي فيه خير للانس والحيوانات
وكل شيي بس نفسيتي جدا تعبانه بس ماني مظهر هشي لاهلي او لزوجتي ..ماودي اشوفهم يحزنون علي ..ولاتنسوني من دعواتكم
,qud hglh]d >>>>
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|