السلام عليكم و رحمة الله و بركاته
متزوجه من 5 سنوات
تكفون نزلوا الموضوع مؤرقني 🥵
اولا علاقتي بأهل زوجي فيها الاحترام من جميع الاطراف
طبعا يحصل بعض التنغيص لكن احب اكبر راسي طالما انهم ما غلطوا غلط لا يغتفر
لاحظت من بداية زواجنا خوفهم الشديد من العين و كنت اطنش
انا من الله احب ابارك للانسان و ادعي له لأني امره الحسد و اعرف انه من الكبائر و يحرم الانسان من التوفيق يعني مستحيل أرضى اني اعمل الكبائر
هذا الكلام عشان تعرفوني
لكن حصل موقف مع حمولتي من بعده صرت ما اقدر اطنش اي تصرف من هالقبيل التشاؤم بالحسد
كانوا في فترة تعمير لبيتهم و كان فله جميله
جا في يوم طلبنا عمي نزور العماره و كانت باقي عظم ما فيها اي جماليات بوقتها
كان يشرح لي الغرف و التصاميم و هالامور و انا من باب الذوق كنت امدح و أبارك و اقول ما شاءالله
كنت مركزه اقولها حتى يتطمن لأني اعرف هذاك الخوف عندهم
و في نهاية الزيارة اتصلت على زوجي عمتي تقول انها تعبانه محتاجه المستشفى و انه الم شديد بالظهر احتمال يكون الأبهر او أ شد
وقتها خافوا كثييييير زوجي و عمي لدرجة ركبنا السيارات و بسرعه شديده
اخذناها المستشفى كلنا و تطمنا عليها و عطوها زي مهدئات و كذا
و رجعنا البيت بعد ساعتين معها و رجعت طبيعيه
جلسنا معاهم و في نهاية السهره يقولنا عمي لاعاد تزورون العماره الين نخلص فزوجي حب يلطف الجو قاله تطردنا يا ابوي مع ضحك
قاله انا كذا ما ابغا احد يزورني الين اخلص طبعا انا فهمت مقصده و لكن تداركت الوضع و ضحكت مع زوجي
لكن آلمتني عبارته جددددددا لدرجه اني تحسبت عليهم في سجودي
ظلموني ب شيء ي شهد الله علي ما دخل قلبي و فوقها يطردني بكل وقاحه
لكن الحمد لله على كل حال
رجعنا لاحظت زوجي غضبان لكن يداري و حصل بيننا نقاش على موضوع خارجي و كنت نفسيا ماني مستعده
فقلت له خلاص قفل الموضوع و بروح انام و زعل مني ليه اقول كذا و قال اصلا انتي الشر في عيونك من اول اليوم وجرحني بهالكلمه كأنها صاعقه قلت له حسبي الله عليك و تركته و نمت
طبعا يومين زعلانين ثم اعتذر و راضاني و لا فتحت اي نقاش
و بعدها نزورهم والامور جدا طبيعيه
مع الايام صرت الاحظ اذا مدحت شيء يسمون بالله بصوت واطي
او مثلا يقولون اي حلو ما شاء الله و يعيدونها الين يسمعوني اقول ما شاء الله
طبعا صرت انا اسبقهم و ابارك بصوت عالي حتى يسمعها الجميع و افتك من تشاؤمهم
طبعا بيتهم فعليا ما دخلته الين دخلوه و صار جاهز للسكن و بأثاث كامل
و خلال هالفتره كان زوجي يشاركني الصور و كنت امدح له و ابارك عشان محد يفهمني خطأ و اتجنب المشاكل
بعد سكنهم اول مادخلت و بصوت مرتفع اقول ما شاء الله تبارك الله و بصراحه اذا تذكرت الموقف اضحك لكن مجبوره لازم يسمعوني و يفكوني شرهم
و مدحت عمي في اختياراته للبيت و في ذوقه و كانت عمتي بتموت خوووف ذاك اليوم و تصرفاتها و نظراتها مرعوبه كثير
و ربي شيء محزن و مضحك بنفس الوقت
المهم مشى ذاك اليوم على خير و تكررت الزيارات و نفس الحال
الين بعدها يمكن سنتين كنت جالسه بالصاله و هم بالمطبخ والمسافه قريبين من بعض كثير كان يوم عزيمه عندهم وانا لوحدي بالصاله
إلا تقول بنتهم الكبيره بعض الناس ما يمدحون شيء الا يخرب اعوذ ب الله ف مادري إيش تقولها الثانيه قالت بصوت عالي لا تخافين وصلت الرساله
تركتها الين خلصت و مسكتها على جنب قلت انتي تقصديني يوم قلتي كذا وكذا انكرت بشدة و ارتبكت كثير و لا توقعت اسألها اعتقد قلت عموما اذا قاصدتني ف بيني و بينك الله
و بعدها بيوم امها تكلم امي و تمدح فيني و في اخلاقي و الخ
طبعا بينهم اتصالات من فترات متباعده
بعدها بفتره حصل موقف طلبتني عمتي اتقهوى و اكل التمر قلت أبشري اتركيه هنا و برجع اتقهوى عليه
بعدها بلحظات جات بنتي الصغيره بالغلط و طيحت الطاوله و طاح التمر و انكسر صحنه وموجوده بنتهم الثانيه ف نظفت المكان و رحت اعتذر لعمتي عن اللي حصل و ان بنتي احرجتني و كسرت الصحن قالت عادي و لاتشيلين هم و بعدها شوي جلسنا قالت بسم الله كان نفسك في التمر رمت الكلمه و راحت للمطبخ
انا وقتها انصدمت جدا و فهمت مقصدها انه تشاؤم
قلت لبنتهم الجالسه تراني اخذت التمر مجامله لعمتي يوم طلبتني اتقهوى
قالت عادي لا تشيلين بخاطرك و الصحن فدى لبنتي قلت لا بصراحه استغربت كلمة عمتي مادري وش الموضوع و حاجه تقهر حبيت اجاملها واتقهوى اراعي خاطرها ف جات بنتي و حطتني بموقف بايخ جداً
قالت عادي عادي و تحاول تلتهي بالجوال ما تكلمني
قلت لها بصراحه الموضوع صار كبير و صار يتكرر كثير مدري وش السالفه و لا قالت لي اي شي
ثم اخر السهره و عمتي تلاحظني شايلة بخاطري قامت تسولف لي مليون سالفه تلطيف جو ثم جابت سيرة فلان رسب في اختباراته و مدري إيش قلت لا يكون احد حاسده قالت الله اعلم قلت قولي لأهله لا يبتلون احد مو كل الناس حاسده قالت العين حق و تخرج من الانسان ما يدري قلت لكن الانسان اللي يخاف الله يذكر الله و المفروض هم يتحصنون و يقولون اذاكرهم و يتوكلون على الله و لا يبتلون احد و يظلمونه يمكن ما جات في خاطره ترا الظلم شين و يدعي عليهم و يستجيب الله ووقتها يعرفون ان الله حق
قالت لا اعوذ بالله من الظلم ثم غيرت الموضوع و بعدها قمت الاحق بنتي لا تخرب عليهم شيء و بعدها رحنا البيت
و فيه معلومه انا حابه اخفف زيارات لهم عشان تقل المصادمات لكن زوجي مايرضى لازم كل ويكند عندهم و احيانا ننام معاهم عندنا غرفه هناك و احيانا كمان نروح بوسط الاسبوع نتقهوى معاهم
و هالموضوع التشاؤم مره مضايقني بدرجه كبيره ماتتخيلون احس انه تشويه سمعه واحس انها شوفت نفس منهم انهم فوق الجميع و الجميع حاسدهم و احس بظلم و احس فيه وقاحه بالاسلوب و صرت كل ما اروح اتنكد يومين بعدها
و حاليا افكر اقول لزوجي موضوع التشاؤم و اللي صار مع امه و موضوع تخفيف لزيارات اطلبه مره ثانيه لأن نفسيتي تعبت كثير منهم
طبعا حكيت لكم أبرز المواقف فيه امور تصير مثلا يخبون عني اخبارهم و أغراضهم برغم اني رسميه ما أسأل ولا ربع سؤال عن حياتهم و صامته من يوم عرفوني ماقول غير كلمتين و اسكت عشان ما بغا مشاكل سوء الظن
لكن تحصل مواقف فظيعة اكون مظطره ادافع عن نفسي
و ادعوا لي و الله العظيم مسبب لي اكتئاب
من غير اني احيانا انحرم من طلعات الويكند عشان زوجي يرضيهم و نزورهم لأنهم يحبون اطفالنا كثيييير و سبق قلت له خذ الاطفال و اتركني في بيتي لكن رافض نهائياً و يفكرها سوء نيه من عندي
و صار زوجي يظطر نخرج بوسط الاسبوع خرجات سريعه بسبب ضيق الوقت مع عمله
عشان نكون الويكند معاهم و لا اطلبه أي شيء
ايش الحل و تكفون بدون تجريح او ظلم
hig .,[d , hgjahcl fhgps]
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك