السلام عليكم ورحمة الله وبركاته
http://forum.z4ar.com/f116/t532727.html
ردي لبعض الأشخاص اللي طلبو تعقيب واني اتكلم عن مشكلتي بالتفصيل قد يكونو يتمنو لو اتصالح مع طليقي اللي خلعته
أولاً انا فتاة تزوجت في ١٦ من زوج عمره ٢٣ سنة دام زواجنا لمدة ٧ سنوات
انا من عائلة محافظة ومتدينة و حالتنا المادية كوويسة تزوجت من شخص عائلته لها صيت وسمعة كبيرة فمدينتي المهم والدي ما سأل عنه شاف انه من عائلة محترمة واهله كلهم ناس ينحطو عالجرح ينطاب توجه والدي للشاب في مكتبه ليعرف خلقه ودينه عندها ظل الولد يتفشخر هذا مكتبي وانا املك شركة وانا و انا سأله عن دينه فقال انا اصلي قاله هل تدخن قال نعم قله والدي انا ما ازوج بناتي من مدخن حينها قال الشاب انا ما اترك الحلال عشان الحرام ورمى سجايره وقال من هذا اليوم اعتبرني ما ادخن موقف الشاب اعجب والدي وظن انه الشخص المناسب للزواج واالدي لايملك خبرة فأنا اول بنت تتزوج من بناته المهم قله انا موافق بس اسأل البنت انا بنت مالي في الزواج كل همي دراستي وكتبي وتفوقي كنت اطمح لأن اصبح شيء في المستقبل والداي طرحا علي الموضوق و قالو لي انه ذا اهله ذا صيت وسمعة وان الشاب مثابر ومسؤول وعنده طموح فقلت لهم اللي تشوفوه طبعاً في زمني لا فيه جوالات و لا فيه شي مااعرف غير الكتب بعدها جات ام الشاب وطيرته في السما قالت من يوم تدخلي بيتك انا اجبلك خدامة و اطبخلك وانتي زي الاميرة احطك في عيوني اهم شي تدرسي و تتفوقي فوافقت وتم الزواج سافرت لشهر العسل وفي شهر العسل بدأت المصايب كان يتركني في الفندقق بالساعات و انا ماعمري فحياتي بعد لحالي كل مرة يصرفني انو بيشتري شي او يودي الغسيل كنت ابكي لحالي في الفندق طلعني كم مرة وسحب عليه كثيرر رجعت لمديني لاجد شخص خالي من المشاعر ٤٢ ساعة برا البيت و لو رجع القاه في الحوش عالجوال يتكلم مرة خرجت الحوش اناديه ياكل قام سحبني من ملابسي ورماني جوا البيت بحجة ان الرجال يشوفوكي بالرعم من اني في منطقة مهجورة مافي حولي بيوت ولا شي كلها اراضي امه رسلت الاكل اول كم يوم بعدين قالتلي ان ولدها منعها و قال مرتي تطبخ بعدها جا وجاب مقاضي وقلي ارجع البيت والاقيكي طابخة عند اهلي كان في خادمة وامي تطبخ وانا مافكرت اتعلم لان قالو اكلك يججيكي فتحت كتاب الطبخ جابته لية اختة لما قلتلها كيف اطبخ وانا مااعرف المهم رجع البيت وقعد يصرخ لاني كنت اقلب في كتاب الطبخ وقلي هذي نهاية الكذب قالو انك سناعة وطباخة وكل شي لكن طلعتي ولا شي قعدت ابكي لاني كتومة ومااعرف اعبر مرت الايام و صار يدخل غرفة لحاله ويقفل الباب عشان يكلم حبيباته ذاك الوقت عرفت اني حامل وجلست ابكي قام صار طيب ليوم واحد وسوى انه فرحان بعدها فكيت جواله لانه ماصار يكلمني و لايطيقني قلت اشوف ايش شاغله قام شافني وجا سحبني وقلي انقلعي لاهلك بعدها قلت لاخواني ردوني وما قلت لاحد ايش صار اتعذرت انه مشغول ورجعوني بعدها كل شوي يطردني وارجع بعد كم يوم مع اخواني واستمر يطردني وصلت لشهري الثامن قمت فتحت جواله و الا يفز من نومه لما شافني طلعت من الغرفة وجا سحبني وانا حامل ورماني قدام الباب ومشي من فوقي بعدين سحبني ورماني قدام الباب وقفل الباب ولاني غبية وماعندي خبرة كنت اترجاه قام رمى عبايتي عليه وقال البسيها وطلع السيارة ورجعني عند اهلي قمت رجعت بعد كم يوم وطنشته وكملت فترة حملي وهوا مرات يجي غرفتي مرات ينام برا براحته بس يجي البيت يصرخ عالتنظيف على الطبخ ويطلع تخيلو ولدت و سوا نفسه متأثر قدام اهله بعدها طلعت لاهلي وهو كل يوم يتصل ويسبسب وانا اصبر و يقولي ارجعي وانا ما كنت قادرة حتى امشي قلتله مااقدر قام جا عند اهلي وقال ببات عندكم وترك جواله مفتوح واسمع اتصالات الحريم ورسايلهم لما صحي الصبح قلتله انت ما تخاف الله وعصبت لين اتشنجت واغمى عليه ولما فبت جاني زي الشلل النصفي تقريباً عشرة دقايق ربع ساعة ونادى امي وامي مفجوعة اييشبك وتقومني قلتلها ما ادري يمكن من نقص الحديد لاني عانيت طول فترة حملي منه ومن هبوط الضغط بعدها بفترة يتصل عليه ويهزأني مافي اكل مافي؛ ي وانتي قاعدة عند اهلك كان صايرلي؛شهر من الولادة بس كانت صحتي سيئة جدا لاني اهملت نفسي الحمل و ما راجعت طول الحمل الا كم مرتين يمكن واتعسرت ولادتي وكنت ما اقدر امشي امسك الجدران عشان اقوم بس رجعت بيتي وكنت كل مااطل في بنتي يروح الوجع بعدها ولا كأني رجعت البيت من سفرة لسفرة والاقيه متصور مع حريم لدرجة لقيت وحدة ملبسها ملابسه قمت قلتله قال انتي شكاكة وماقصر طردني واخذ بنتي وعلى هالمنوال يطردني و يشيل البنت ويرميها عند اهله لما اروح اخذها امه ماترضى تعطيني هية وعشت في عذاب انا وبنتي ٧ سنين معاناة وارجع البيت عشان يعطوني هية وكل ماتجي الاقيها الله يكرمكم متصلخة ونفسيتها في التراب تخيلو اوقات يعصب ويدخل غرفة و يشيلها معاه بدون حليب و لا تغيير حفاظة الله يكرمكم واجلس اترجاه يطلعها و هية تبكي و يصرخ عليها تقعد معاه ١٢ ساعة او اكثر ما رضعت ولا شريت حتى موية لين بعد ما كملت بنتي سنتين قمت رحت لاهلي وقعدت شهرين كاملة اقول لابوية خليه يرةع البنت قلي خليه لين يجي بنفسه شهرين ما شفت بنتي وابكي كل يوم لين جا ابوه وصالحنا وجاب ولده قال بيسفرنا برا رضوة و يودينا عمرة و نفتح صفحة جديدة جلسنا شهر متصافين طول السفرة لانو هادي ونايم وانا وبنتي نطلع نتمشى في الفندق ونرجع طبعاً هوا فعالم واحنا فعالم مو داري عننا ما غير يطقطق في جواله واذا طلعنا اشوية ونرجع لكنها كانت اسعد لحظات عشتها بسلام عشت معاه ٧ سنوات تخيلو ماعمره نطق اسمعي ولا ناداني بدلع و لا كلمة حلو بس يقول هيه يا بنت ولا يا حرمة غير انو لما تكون عندي خرجة حلوة مع اهلي يسويلي مشكلة يخبي اغراضه و يقول انها ضاعت ويجلس يصرخ علينا طلعوها بعدين اكتشفت انو يخبيها ولما قلتله ادري انك تخبيها ضربني يستخسر عليه اي شي حلو بحياتي وكانت تجسه حالات يصير طيب تقريباً كم يوم يصير طبيعي و يودينا مطعم ولا مكة و لا الطايف من فين لفين تجيه كم يوم طبيعي بعدين يقلب ما كان يخلي ولا ريال فيدي يشيل فلوسي حتى لو كانت عيديات حتى لو صارفة المكافأة ولقها يشيلها ولو في الصراف يصرفها صرت اخبيها عند اهلي لسانه متبري منه ما عمري شفت لا حب ولا شي صرت كني مكينة من مرض لمرض اخر شي احد اقاربي لما شافني انفجع و الله العظيم ان وزني صار من ٣٤ ل٣٦ جلد على عظم قال لاهلي مايصير تقعد معاه قلي امشي نروح المحكمة قامو اهلي قالو روحي كنت خايفة على بنتي بس قالولي مايقدر يشيلها لو جا بيتكم قوليله روح اطلب بنتك من المحكمة طبعاً جلست معاه ٧ سنين رحت المحكمة سولنا جلسات اصلاح بعدين عند الشيخ بعدين عند اصلاح ذات البين قالولهم يفصلو بيننا مشكلتي ماعندي اي دليل و لا اثبات بس ربي نصرني عليه كان اخذ كل ذهبي فتم الخلع مقابل انه ما يرجعلي الذهب وباقي المهر ما دفعته لان الشيخ عرفله و الحمد لله وطبعاً كل فلوسه و الفشرة اللي قالها طلعت ولا شي طلع انسان عليه قضايا كثير و اخذ فلوس ناس ومن ضمن الرسايل اللي كانت تجي لجواله من الناس اللي شغلهم بدون راتب و اللي قلهم اشغل فلوسكماردها فكانو يدعو عليه الله يخرب بيتك الله ياخذ اهلك......... والله ان ما عمرها جهاز عاش عندنا في البيت لا غسالة ولا لمبات ولا ثلاجة كل ما نشتري شي يخرب ويجي يسبنا و الله العظيم من دعاوي الناس دحين انا عند اهلي من كم سنة ماعمره خرب عليه و لا شي و الوالد اعطاني شقة اسكن فيها من عمارته ومرتاحين انا و بنتي و نفسيتها اتحسنت ويجينا مصروف وقلبنا شقتنا جنه هية غرفتين بس نعمة وراحة نفسية الله لا يحرمنا منها وانا حاليا ما افكر اتزوج ولو اتزوجت مستحيل قبل ما يصير عمر بنتي ١٠ سنين بس تجيني هواجس وخوف وشكر خاص لكل اللي طمنوني
تنويه الفترة الأخيرة اللي ما صرت افتش جواله زعل صار يسمي حبيباته بدلع عشان لو دق جواله اشوف اسمهم و يشغل مقاطع حريم وصخة قدامي لانه انقهر اني كرهته ولا اغار عليه
اهلي ماعرفو عن موضوعي الا بعد ما شافوني اجيهم من دون بنتي
اعتذر لو طولت لان التعليقات طلبو مني التفاصيل واللي تعدى عليه في التعليقات الله يسامحه لا تنسوني من دعائكم
p.dkm fsff ;`f , htjvhx td w; hg'ghr
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك