بداية ماكنت اعرف ايش سبب الشخصيه العجيبه الي تصير بزوجي قدام امه خصوصاً
من بداية الزواج كنت الاحظ ان شخصيته تقلب ويطالعني بطرف عينه واسلوبه عجيب لدرجة ينافخ علي واسلوبه همجي
ولاطلعنا من عندهم سبحان ربي لطيف وطيب وذوق واسلوب معي !!!!
كانه يبي يفهم امه انه داعسني !!
واجهته مره قلت وش سبب تغير شخصيتك قدام اهلك
ورد زين عرفتيني خلاص تعودي !!
قلت له كذا مره تراني اكره اروح واقابل اهلك بسببك بسبب الشخصيه الوقحه الي تطلعها قدامهم
وسكت ماعطاني تفسير او تبرير
بس انا اتوقع امه معطيته نصايح بخصوصي ان الحرمه لاتركبك !! لانها اكثر كلمها تراددها على ولدها لاجت تقص عليه قصص الجماعه فلان حرمته داعسته وفلان حرمته لاعنه خيره ونصايح سوده
طيب اقل شي يكون انسان طبيعي مو لازم يمثل قدام امه
والاحظ كذا مره اكون عند اهله يصنع مشاكل ويحاول يرفع صوته علي يبي اهله يسمعون !!
انا متعجبه جددددداااااً
كل مره يحاول يدور اي مشكله وينافخ علي
اخرهم قلتها بوجهه ماني رايحه لاهلك عشان تنافخ علي قدامهم .. مع نفسك
ومن فتره وحده من جماعته مره خبرتني ان امه تتفرح بمشاكلنا وتفهمهم انه يضربني واكيد ادبني وتطلع صورت ولدها للجماعه انه لاعن خيري واقشر
بينما الحقيقه العكس !!
ياجماعه هل ذا الامر طبيعي مو معقوله التمثيل ذا السخيف
بطلت اروح لاهله وخصوصاً لما عرفت ان امه تتباشر خير بمشاكلي للكل وانه يضربني وهو ربي ماعمره مد يده علي بس شكله مفهم امه كذا !!
واستوعبت بعدها ان امه تحاول تعرف اذا يضربني وتستدرجني بالكلام وانا على نياتي ماستوعبت الامتاخر !! عجيبه امه صدق
والمصيبه انه قبل كان يستشير اخوانه اذا يضربني او لا طحت على محادثات مع اخوانه !! بالله تستشير اهلك اذا تضربني من جدك !!! وكانو يقولون له الا الضرب
وكان بداية الزواج يكرر علي اني احمد ربي انه مايضربني ليل نهار !! رديت عليه جرب تضرب اقسم بالله لاجرك بالمحاكم والسجون غيري سواها موناقصني شي اسويها لك جرب
وش القصه هو صاحي ولا يبي يثبت رجولته علي ولا يحس بنقص رجوله ويبي يعوض حاله
مايتوقع انه بذي الحركات يطيح من عيني
ليه ماتهمه نظرتي له .. ليه مايستحي يمثل عند اهله !!
.,[d ,aowdji hgu[dfi tr' r]hl higi !!
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك