06-09-2020, 12:13 PM
|
مدير عام
|
|
تاريخ التسجيل: Aug 2012
المشاركات: 376,241
|
|
حالة زوجي الماديه
السلام عليكم
مشكلتي والحمدلله ع كل حال الحاله الماديه زوجي راتبه حدود4000 والايجار 2000 وعندي طفل سنه
تعبت نفسيا ماعلمت اهلي عن راتبه ولا شي لكني امر بحاله حزن مدري وش اسوي
يوم رحت لاهلي اسلم عليهم العيد ماجبت عيديات ولا شي بس معمول لامي و اختي وزعت خير الله يزيدها ماشاءالله واعطتني عيديه 100 بغيت ابكي مبسوطه فيها فيه الف شغله احتاجها بس قررت انها تكون بربتوزات لولدي ولدي ماعنده جزم وامي تقول ليه ماتشترين له قلت اذا مشى توه صغير وفيه اشياء كثير كثير احتاجها اساسيات مو ترفيه بس مااقدر احكي واختي تقول ليه ماجبتي لنا عيديات قلت اذا كبر ولدي بخليه يوزع عليكم
تعبت نفسيتي نفسي البس واكل واعيش حياة ماقد شريت مقادير حلا في البيت واذا جيت اهلي امي تقول ليت تجبون معكم اطباق عشان القهوه ومستحيل يتفهمون اهلي حالتهم الماديه ماشاءالله الله يزيدهم ويحفظهم زينه مايحسون قلت مره لاختي كبيره ماتزوجت قالت جيبي معك لو ورق عنب قلت لها وقلت بيني وبينك ان زوجي حالته الماديه شينه ووو قالت عادي اسر منتجه ماتكلفك 30 ريال انا خايفه يرفعون الحظر مرره ولدي ماعنده ملابس زينه كبر وصغرت ملابسه وماشريت له و الاستراحات لازم قطه وحلا ووو مره ضايق فيني الدنيا فتحت كم بزنس حق حافز ميك اب ارتست و احتياجات اطفال كلها اقفل الحساب ماتوفقت ابد الحمدلله والوظيفه دورت مالقيت مع ان زوجي رافض انا حزينه حزينه اتمنى اطلب مطعم او كوفي او اشتري شي احبه او البس سواره جديده او البس ولدي لبس انيق وبدله حلوه واشتري له اشيا ترفيهيه اتمنى استمتع بس اني تعيسه زوجي شخص طيب لكن كسول مستحيل يفكر يشتغل والحين يقول شكلي بفصل عن دوامي كرف وشغل قليل انا مره تعبت مره اتمنى يصير عندي مصروف يصير عندي حياة كلامي بهذل بس تكفون ادعولي بدا ينفذ صبري 😞
phgm .,[d hglh]di
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|