السلام عليكم
سبق لي الزواج وعندي ولد من زواجي الأول وكان قريبي
تقدم لي واحد مطلق وعنده 3 اطفال بعد السؤال والتقصي
طلع مناسب تزوجته منه وبعد فتره انجبت منه
حياتنا كانت هاديه وماشيه الظاهر لي انه يحبني وانا حبيته
بس بشكل معقول (( حب عادي ))
فجأه طلعت معه لمشوار ونزل من السياره وجلست ادور الموصل
حق شاحن السياره لان كنت ابي اشحن جوالي
دخلت يدي في الفتحه اللي تجي في الباب آسفل المرتبه
وهنا كانت صدمة حياتي
لقيت جوال ثاني غير اللي معه ..!
اطالع يمين يسار فعلا جوال وشغال بس للأسف فيه رمز سري
من الخوف والصدمة ، والغباء
رجعته مكانه
وجاء ركب السياره ومعه كل الاغراض اللي طلبتها
لاحظ اني ساكته وسألني وش فيك قلت مافيني شي
نزلنا البيت وانا مصدومه سألني وقت النوم وشفيييك
قلت له !
قلت انا شفت جوال والحين تعلمني وش هذا وليش من وراي
انكر ! وقال انه لخويه ، قلت هذا الكلام ينقال لوحده غبيه
علمني وش سالفة الجوال وجلس يحلف ويقسم انه مافيه شي
من اللي في بالي طلبته ينزله ويفتحه قدامي
ورفض وأقنعني انه مجرد شريحة للعمل ومايستخدمه كثير
مااقتنعت ، بس مشيتها
مشيتها وقتها لاني ماشفت بعيني شي
بس صرت اشك فيه وصار عندي فضول اعرف وش وراه
خصوصًا انه صار يطول كثير في الواتس اب
فتحت جواله بعد ماشفته يدخل الرمز في السياره وحفظته
دخلت الواتس وشفت محادثه بينه وبين وحده في العمل وصور
وااااااه ياقلبي شفت من ضمن الصور صورته معها في سياره
زوجي حبيبي كان يخوني من زماااان وانا في البيت أربي عياله
واجهز أكله وشربه ولبسه 💔
انصدمت وانهرت وواجهته وبصقت في وجهه وصفيت ملابسي
وطلعت بيت اهلي
جاء وكلم أبوي وقال انها بصقت في وجهي وظلمتني وهذي زميلة
عمل وضروري احكي معها
قعدت فتره تعبانه نفسيا وحاول بشتى الطرق يرضيني
عطاني مبلغ مالي وجوال اخر موديل وحاول يقنعني
انه مافي شي من اللي في بالي صار
رجعت وكنت حامل وولدت جبت بنوته ومشت الايام
كان كويس معي ومو مقصر بشي بس في داخلي احساس
انه خاين ماادري ليش عجزت ارجع أعطيه الثقه كامله
مع اني بينت له اني واثقه فيه تمام الثقه
بعد ثلاث سنوات قررت افتح جواله واتفرج وكان جواله في الشاحن
وهو عند عامل يركب حاجات في البيت
خمنت الرقم السري وكان نفس رقم بطاقة الصراف اللي كنت اعرف
فتحته وانا كلي خوف وقلبي يدق بسرعه ورحت الواتس
ماحصلت شي
رحت السناب وكانت الطامه
لقيت محادثه من 2016
ولإزالت لليوم
علاقة عمرها اربع سنوات
كلها صور متبادلة بينهم
كلها كلام حب
ومن ضمن الكلام اللي زوجي موجهه لها
(((( لازم يكون عندك يقين من داخل انك زوجتي ))))
وقفت هنا
وصكيت الجوال وطلعت انتظره في الصاله الخارجية
والجوال في يدي
ماعاد همني أي شي الا هالكلمهً
زوجي حبيبي
اللي كان يقسم بحبي ليل نهار
متزوج علي معقوله !
جاني هدوء غريب
جاء زوجي ووقفت قلت انت متزوج علي ؟
طالعني بغرابه وجواله في يدي
قال وش تقولين انتي
قلت انت متزوج علي
عادي قل
انا عرفت كل شي
قال مجنونه انتي وش زواجه
وحكيت له عن المحادثة وأخذ الجوال وجلسني
وقال اسمعيني بقولك السالفه
هذي علاقه قديمه ولاتهمني بشي
قلت وش معنى هالكلمه قال اقسم بالله مااذكر اني كاتب هالكلام
وطبعا وانا أتكلم حذفها وراحت المحادثه باللي فيها !
قلت ارجع اقرأ قال حذفتها ووراني قال حذفتها لاني اقسم بالله
ماتهمني بشي
قلت هذي مو اول مره تصدمني فيك
هذي مو اول مره ترخصني
لهالدرجه اناررخيصه لهالدرجه انا مامليت عينك
وطالعني ومسك يدي وبكا
قعد يبكي من كل قلبه ويحلف ويقسم بعياله
انها غلطه وماراح تتكرر وأنه مايجمعه فيها الا السناب
يخلف انه مايذكر هذي الكلمة وليش هو كتبها
كان خميس ،، وكنت بروح لاهلي
نزلت دموعي لما شفت زوجي القوي القيادي يبكي قدامي
قمت من المكان ورتبت أغراضي بكل هدوء وهو يحاول يلطف الجو
وانا متجاهلته رحت لأهلي وطول الوقت يراسلني وانا تعبان وانا وانا
المهم سامحته بعد جدل وكلام طوييييييييييييييل ونقاشات اطول وان هذي وحده تبيع
واشترى منها كم شغله وصارت تتواصل معه في السناب
والعلاقة ماتعدت السناب !
ورجعت بيتي بعد تفكير طويل
ولقيته مجهز لي هدايا بس مافرحت فيها زي اول
رجعت ، بس بشخصيه ثانيه
جاني تبلد اتجاهه ماحس بمشاعر حب زي اول
يشكي من معدته وأنه كثير صاير يرجع الأكل وفعلًا شفت بعيني
بس ماعاد ارحمه زي اول أو يضيق صدري كثير عليه
اخاف عليه للحين بس مو زي اول !
ماعاد اشتاق له كثير وأتحمس أكلمه واسمع صوته !
احس بمشاعر غريبه اتجاهه !
لازال بداخلي اتجاهه شك وعدم ارتياح رغم انه قاعد يحاول يثبت لي
انه تغير
زوجي حبيبي ماعاد يعنيني كثير
ياترى هل مشاعري طبيعيه بعد اللي صار
والا انا فعلا كرهته !
oJdJhkm .,[Jd K ydJvjkd ! a;vhW lk ;g rgfd dh.,[d hgu.d.
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك