10-12-2020, 01:29 PM
|
مدير عام
|
|
تاريخ التسجيل: Aug 2012
المشاركات: 376,634
|
|
حامل وانا غير مستعدة
السلام عليكم
ارجو الترفق بنصايحكم لأن نفسيتي تعبانة جدا جدا
انا متزوجة من 7 سنوات عندي ولدين الله يحفظهم الصغير لم يكمل السنتين
مررت بمشاكل كبيييرة جدا مع زوجي قبل سنة وصار طلاق ورجوع وتدخلات كثيرة من الطرفين وصولا للقطيعة بينهم
مشكلتي رغم كل المشاكل احب زوجي وزوجي ع كلامه انه يحبني جدا وهذا السبب اللي قدرنا نرجع فيه لبعضنا بالرغم من معارضة اهالينا لاهم يبغوني ولا اهلي يبغونه لكن للاسف طعنني في قلبي وتزوج والان يشعر بالندم ( ع كلامه) لكن المشكله مو هنا
المشكلة ان نفسياتنا متدمرة واحنا في مرحلة ترميم والحمدلله امورنا تتحسن لكن فيه كثير امور لم تنحل خصوصا من جهة اهلي هو يزور اهله اما انا ممنوعة من الذهاب لهم( مدينة ثانية) واذا تكلمت يقول خليهم يجونك بس انتي ماتروحي ومتأكدة لو بيجوني مابيتقبل ومرة قالي بترك البيت لكم اذا اهلك جو عندك واساسا اهلي صعب عليهم يجو انا اسهل اروحلهم واريح واشياء ثانية
المشكلة اللي كملت الناقص اني حملت رغم اني استخدم حبوب منع الحمل لكن حصل الحمل والحمدلله ع كل حال واكيد رزق لكن مو مستعدة للحمل لا نفسيا ولاصحيا ولا اي شي سواء من المشاكل اللي مررت فيها او زواج زوجي او صحتي لأن ولاداتي عملية وولدي صغير ومحتاج جهد وانا اساسا مافيني طاقة غير اهلي احس مالي وجه اقول اني حامل بعد اللي صار كله لسة قاعدة ارمم نفسي واستعد اكمل دراستي صار الحمل اللي ماكنت حاسبة حسابه
كيف امشي في حياتي احس اني مو بس وقفت مكاني احس رجعت ورا صايرة ما افكر زين واغلب وقتي مكتئبة مو طايقة نفسي ولا عيالي ولازوجي بس ضاغطة ع نفسي واخاف انفجر قريب
افكر كثير ف العلاج النفسي ما اعرف وين اروح هل يفيد وايش تصنف حالتي ابغى ابكي ابغى افضفض ابغى احد يدلني انا صح ولا غلط كيف اتصرف بدون خسارة اهل ولازوج ولا ابناء للعلم اهلي كانوا معارضين رجعتي بس محد يجبرني ع شي ومن رجعت صاروا ينصحوني اكسبه واكسب بيتي بس عارفة انهم مو طايقينه خلاص لأن اللي صار مو شوي لكن زوجي يكره اهلي جدددا رغم اني ما اجيب طاريهم ابدا قدامه هو اللي يتكلم عنهم اكثر مني
يارب رحمتك احس بضعف ماحسيته بحياتي كنت مرجع للمشاكل وللاناقة للي يعرفوني الحين لا اناقة وطايحة من مشكلة لمشكلة
phlg ,hkh ydv lsju]m
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|