السلام عليكم ورحمة الله وبركاتـه ..
انا متزوجة لي تقريبا 6 سنوات
رزقني الله بطفلين الحمدلله
بعد طفلي الثاني حطيت في نيتي اني ماراح احمل لفترة لاني تعبت
و ولاداتي كانت عملية قيصرية ..
كمل طفلي الثاني 3 سنوات ..
زوجي وافض رفض قطعي اني احمل للمره الثالثه ..
انا بصراحة ما اهتميت لرفضه لأني ما افكر بالحمل حالياً
لكن أمي بدأت تسألني ليه ماحملتـي ؟
انا طبعاً مستحيل اصارحها ان زوجي مايبي اطفال زيادة
لأني اعرف امي واعرف اهلي ماراح يتقبلون هالفكره وبتقوم الدنيا وما بتقعد
ف حطيت العيب فيني اني ( مو قادرة احمل )
هنا بدأت امي تدعي لي وتشيل همي
وتتصل على الممرخات تسوي لي موعد وتجبرني اروح اتمرخ
والله العظيم ان قلبي يتألم اذا شفت امي نفسها اني احمل
لما شفت امي مهتمه بموضوع الحمل
فاتحت زوجي بالموضوع
وقابلني بالرفض الشديد جداً
جيته باللين
بالبكاء
كلللللها قُبِلت بالرفض
سألته وش الاسباب !
انت ماتبيني !
انت مو حاس معايا بالأمان !
اعطاني اعذار واسباب وللأمانه لا اعلم مدى صِدقه فيها
يقول الدنيا تغيرت مو مثل اول وتربية الابناء صِعبت كثير
انا والله مافرقت معايا احمل او لا
واحس اني ضاااايعه بين زوجي وأمي
مدري اطاوع مين فيهم
مدري وش الصح
اخاف اندم مستقبلاً
افيدوني !! :pensive:
hglj.,[dk ,hglj.,[hj Htd],kd fow,w hgplg K
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك