استفسار بخصوص فرامل الكورولا 2012

[منتدى السيارات]

استفسار بخصوص فرامل الكورولا 2012


السلام عليكم ورحمة الله وبركاته ..

ومساكمـ الله بكل خير للجميع ...

عندي مشكله مادري هي مني ولا من الكورولا حقتي موديل 2012 ( استاندرد ) ..

الحين السياره عندي لها حول السنتين وماشاء الله السياره حلوه وممشاها تمام معي ... بس إني راعي خطوط علشان العمل يعني شهرياً امشي حدود ( 6000 كلم )

نجي للمشكله وهي فرامل الكورولا حقتي لازم اغيرها كل خمسه لسته شهور امامي مره والمره الثانيه معاه الخلفي ...

والحركه كان معي قبلها اكسنت 2011 ( استاندرد ) ماخذها وكاله مشت معي 120 الف كلم وماغيرت فيها لا فحمات ولا شيء فقط غير زيت وعبي بنزين وتوكل ..

والكورولا كل 5-6 شهور لازم اغير فحمات ومع الفحمات خرط هوبات ... هل الوضع هذا طبيعي ولا الكورولا طبعها كذا الفحمات تتأكل بسرعه ...

وبعدين هل فيه شيء اسمه وزن فرامل بالكمبيوتر ؟؟ هذه قالها لي الميكانيكي يوم غيرتها من خمسه شهور وكوني باغير الحين علشان صوت الفرامل طلع له يومين قلت اسألكم .. وهل تنصحوني اوديها الوكاله علشان يشوفون سالفة الفرامل ( من يوم شريتها ماغير صيانة الـ 1000 كلم ) ومن بعدها سلام عليكم

المصدر: منتدى السيارات

hsjtshv fow,w tvhlg hg;,v,gh 2012

ساعد في نشر والارتقاء بنا عبر مشاركة رأيك في الفيس بوك