انا مطلق طليقتي حطت في بالي أمور كثيرة
- اثناء المكالمات و الزيارات كنت مستحي ويوم اشوفه الشرعية ماشفت غير الأرض من الحياء
ابوي وامي من النوع ماعطوني اي مساحه اتعرف أو اتجرى مع الانثى والصلوات بالمسجد و و و
يعني بيت ملتزم لأقصى درجة والله يجزاهم كل خير ويطول بعمرهم بس ماقد غازلت ولا حتى اعرف اعبر لها عن إعجاب أو حب او او
-دراستي كانت هندسة كهرباء ومتوفق جدا بالدراسه لاكن لاحضت ترديدها لي كلام اني غبي كم مره تقولي هالكلمه انا من النوع ماحب ارد بنفس اللحظه يعني اخذ الكلمه تجرحني واسكت أو اصرف الموضوع عشان ماتصير مشكلة ومرات كثير تقول اااه منك يالفاهي أو مثلا يالسبيكه انقهرت وسكتت كيف زوجتي تتجرأ تقول كذا لي اخر مره تجرأت قلت هيه لو انا غبي يا ذكية مادرست هندسة كان شفتيني سلتوح بس تكلمين واحد انتي معاه هندسه من أصعب التخصصات لا ويتفوق وتمسك خط كامل أن الدراسه مالها اي علاقه بالعقل والذكاء و و و كتمت بصدري وبلعتها
هذا طبعا قبل الزواج
جينا لحفله الزواج قالت لازم تشيلني من الأرض ترقص فيني و و و و قدام الحريم قلت اساسا اللي يقولك راح انزف معك مين قالت طز فيك وأنهت المكالمه اتصلت بعدها بيوم سلكت لها قلت افا عليك ياحبيبتي خلاص تم راح ارقص فيك لين تتعبين وانا طبعا اكذب عليها لو ايش ما اتجرا واشيلها و و ارقص و حتى قرايبنا عيب اسوي قدامهم مصاخه ماتصير غير لما انا وهي ببيتنا اسوي فيها إللي تبي
جا يوم الزواج مسكت يدها همست لي ها شلني قلت بالمشمش أو بالجنه ضحكت واشوا عدت ع خير
رحنا للفندق عطيتها كم كلمه حب وغزل حافض ابوها من قوقل ياحب يا بطيخ يا يا المهم قالت اقولك لا تمثل على شفت عيونك معجب بالبنات اللي كشفو قليلات الأدب بنات خالك ومدري مين وانت عيونك يمين وشمال
قلت امحق ماشفت احد زين اني اشوفك وبعدين ياحب يا يا يا لو اشوف بنات الكون انتي اجملهم وانتي واهدي الموضوع
طيب جينا لبعد الزواج ياناس قالت لي اشياء حطمتني كرجل حسيت لو اموت احسن من اسمع كلامها السم
مره قالت شرايك سواليفك ماسخه بالله جبت لي الهم قلت طيب شكوى لله
بلغت لساني وصرت اقولها عن يومياتي وحتى اي شي بحياتي وبالدوام و و و قالت اااااخ ماتسولف غير باشياء بايخه أو بالدوام قلت أجل تبيني اقص لك قصص الأنبياء وش اقولك يا ادميه مايعجبك العجب
فجأه قالت اسمعني صدقني اني انا حاسه انك مزهريه في نصف الصاله محطوطه قلت اها خلاص طيب اصبغيني مره اي لون تبين دامني مزهريه ورجاء خليني مرتاحه في جو تكييف بارد وضل ومسحيني كل شوي تطمني ع مزهريتك الحلوه وسكتت عديتها لها
المهم انا شخصيتي مو حازمه احب كلام قليل ورد غطاه مستحيل اعصب بس ازعل واسكت يعني ما اعصب ع السالفه اكتمها بقلبي وصلى الله وبارك وانسى بعد فتره وهكذا
حتى هي قد قالت لي انت اللي بقلبك ع لسانك صريح وماحب اي كذب ابدا لو على موتي
ما احب اتحكم بأحد للعلم اني بعملي ماسك مدير اداره بس مو متسلط ابدا
اهتم بالنظافه جدا واحب أرتب أموري وبالتواقيت وكل شي
اهتم بالماركات وكل مره اخرج من البيت لباس من أرقى شي ودائما أنيق
المهم قبل لا أطلقها قالت لي كلمه أثرت فيني ولدرجه رحت طبيب نفسي وقال انك تمر بحاله من الاكتئاب
قالت انا ماعرف كيف صرت مهندس وانته غبي و أهبل و مالك اي هيبه ولدرجه الوقاحه قالت مفروض نقلب الأدوار تصير هي الرجل وانا الزوجه طبعا من بعد هالجمله أرسلتها لبيت أهلها مع ورقه الطلاق وشهاده شكر وتقدير لتربيه أهلها وقالت انت من الرجال النشبه بيتوتي طفشت منك ومن جلستك يارب اموت وصارت تدعي بصوت عالي وفجأه قالت تسب فيني وبامي وابوي وأنه تتمنى الموت بسببي بيتوتي خسيس تقول لي و و
الان انا متردد اخطب وطبعا مستحيل ارجع لطليقتي لأنها مستنقصه بي من جميع النواحي وهل صحيح الزوجه ماتحب الرجل البيتوتي والمنظم بحياته مره تقول اني فيلسوف حاط جدول يوم الأحد والاثنين مثلا نتسوق أغراض ويوم الثلاثاء يوم زياره أقارب ويوم كذا احدد له شيء مرتب يعني تقول اني عامل نفسي عالم ولا واحد مهم وسب ولعن بطريقه حياتي بالله عليكم ابي مشورتكم لاني حسيت كل النساء تكره الحياه المنظمه والزوج البيتوتي
Hovfih ,ho'f ,huda j[vfi .,h[ ehkdm
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك