06-01-2020, 04:36 PM
|
مدير عام
|
|
تاريخ التسجيل: Aug 2012
المشاركات: 376,634
|
|
ملكتي بعد يومين
السلام عليكم
عشان تكونون بالصورة
انا مو ضد زواجي بهالفترة
لكن هالشيء غير مُخطط له من الاساس خاصة وان باقي لي
سنة بالجامعة بالاضافة لطول دوامي وكثرة متطلبات تخصصي
ابد ماجاء ببالي ولا 1٪ اني ممكن حتى انخطب..
ولكن قدر الله وماشاء فعل والحمدلله على كل حال
الموضوع كله اجباري ولكن من تحت لتحت يعني هم يسألوني من باب ترا عطيناك العلم
ولو قلت شيء او تشرطت رجعوا يعطوني سيناريو بتعنسين بتقعدين على قلوبنا والى اخرة
انا مستعدة اتحمل ارهاق تبعات الزواج على كلام ولوم امي وابوي
وبالتالي شريت راحت نفسي
الموضوع مو سبهلله ادري بالمسؤوليات وادري بالواجبات والفروض وماعندي ادنى شك في قدرتي
على مجابهتها بعد توفيق الله واعرف الي لي والي علي
انا شخصية صعبة وما انفتح على الطرف الثاني على طول ما اعرف من الناس الا قلة قليلة
وهالقلة احرص كثير باني امثل عنصر اساسي ومهم ومدعاة للفخر بالنسبة لهم
ما احتكيت مع الي خاطبني كثير فقط في الشوفة ومكالمة مدتها اقل من دقيقتين
مافيه اي دليل واضح قدامي اني شخص مبلوع بالنسبة له
واشوف اني استحق الافضل استحق شخص يحاول انه يعرفني
يحاول انه يفهم تفكيري اهدافي خططي امكانياتي
بس الي طلع منه فقط محادثة وحده وتافهه جدًا وليتني تكلمت زين بعد كنت متوتره ومتوقعه اني
بتكلم عن اشياء تبين منظوري تجاه الحياة
انا احتاج نقطة البداية وهي رغبة الطرف الثاني فيني عشان نفسي ترتاح
واحدد نظرتي تجاهه، لايمكن ثم لايمكن حتى افكر بدون ما اتاكد من هالنقطة
وذكرت سابقًا انا داخله هالزواج كشيء اضافي بحياتي، متخوفه ان هالشيء ممكن
ينعكس سلبًا علي خاصة على موضوع دراستي ومستقبلي
اخاف اندم واكل في نفسي خاصة بعد ماعرفت ان فيه شخص يطمع اني اكون شريكته واهله يعرفوني واعرفهم ولكن اهلي راح يشكلون عقبه كبيره بهالموضوع اخاف من المقارنة
لي شهرين بالتمام شبه يومي استخير لعل وعسى تجيني اشارة اقدر اقرر من خلالها يقينًا
قلبي من اول يوم بعد الشوفه لليوم واحس كل واحد فينا بوادي، مجرد احساس وممكن اكون واهمه
وانقبض قلبي اكثر بعد ما لاحظت كثرة ترديده وترديد امه بالدعاء بالتوفيق والخيره
ركانه لعل وعسى يتم هالزواج
احس بتعب وخنقه اتمنى اعرف اذا كل واحد فينا مناسب للثاني ولا لا
اخاف يصدق احساسي واقرر بعد الملكة وبكذا اكون "مطلقة" وهذا شيء
مابيه
لاتنسوني من دعواتكم💔
وتذكروا ان الدعاء مردود
lg;jd fu] d,ldk
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|