السلام عليكم
زوجي موظف راتبه ثلاثين الف وتجيه مكافأه اخر السنه 70الف
مقترض للبيت من الراتب وعندنا مدارس العيال اهليه
كان وضعه زين معنا مايدقق
الحين من يوم غليت الكهرب وجات الضريبه وشالو بدال الغلا وهو يصرخ
لاتخلون لمبه مشغله
لاتخلون مكيف مشغل بدون داعي اقعدو بمكان واحد
والبنت تنام مع اخوها بنفس الغرفه لاتنام بغرفتها
عشان اخوها عنده سريرين بغرفته منفصله عشان مكيف واحد
ويطلع شوي مع اصحابه ويرجع
تسال بنته ابوي وين رحتو. قالها رحنا كوفي شوي ورجعنا
قالت ليش ابوي ماتعشيت مع اصحابك
ليش مارحتو سينما
طفله بسن مراهقه
هب فيها انتي وانتي تعلمتو الدلع والصرف الزايد
انا جاي هنا اتعشى عشان اوفر على نفسي ستين ريال حق العشا
وهذي بكل بساطه تقولي ليه ماتعشيت برا وليه مارحت سينما
انا دلعتكم لاتخلوني اندم على كل ريال صرفته عليكم
ماتنعطون وجه. انتبهو للفلوس
وشوي قلب علي انتي راتبك وش تسوين فيه. للعلم راتبي منه يعطيني شهريا
1500ريال. قلت زي منت شايف للعيال ملابس
قال ليه عندهم جزم كثير انا شايف كل واحد عنده ست جزم
ليه الدلع انا جزمتين يعني انا سلتوح؟؟
طيب الحين هو يعطيني راتبي وش دخله يحاسبني وين راح
للعلم هوً مو بخيل نسافر كل سنه ويصرف بالهبل بسفراتنا
وذي السنه تعطلنا بسبب كورونا كنا حاجزين شهر لندن وتركيا
انسان بنعمه بيت ملك وسيارتين وراتب زين ومكافات سنويه
ليش كذا يسوي
ماكان كذا معانا الحين مواضيع الصرف تزعجه
كنا نطلع ونروح كل مكان نادر مايمنع الحين يسوي سواليف
مع اننا محجورين خلقه بس من وين وين نطلع
والملابس نطلب من المواقع مانطلع نجيبها
يدقق صاير بخيل ليش كذا ياربي ليتني موظفه بس
حبيت افضفص لكم بس والي عنده كلمه طيبه يريحني واكون شاكره
hg.,[ hglkhk ,hgd whdv fodg hov ulvi
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك