السلام عليكم
عمري 25 وعمر زوجي 31
متزوجة من 3 سنين ولا عندي عيال
زوجي يشتغل في البر في منطقه نائية ما حوله اي مدينه فقط قرى ويداوم 12 ساعه وبحكم دراستي من تزوجنا وانا عند اهلي وفاتح شقه اجار سنوي ويجي كل ويكند الحمد لله متزوجة انسان محترم جداً ومزاياه اكثر من عيوبه لان مشكلتي اني حالياً تخرجت و نبي نستقر اهلي عايشين في الرياض وهو خيرني اجلس في الرياض او اجي عنده في قرية المشكلة وين القرية هذي مافيها اي شي مقومات الحياة فيها بسيطه جداً 3 احياء في القرية او اكثر بشوي و تبعد عن شغل زوجي 40 دقيقه يعني 12 ساعه دوام و 40 دقيقه رايح و 40 جاي يعني اغلب اليوم لوحدي ما اعرف احد في القرية و صعب جداً القى وظيفة فيها الحمد لله هو ميسور الحال جداً ولا يقصر لاكن انا درست واجتهدت ابي اتوظف ان شاء الله ويقول قبل عشر سنين مابقدر اطلع من وظيفتي او يمكن اكثر هل اروح معه واتحمل لين الله يفرجها ولا اجلس بالرياض ويصير يجيني كل ويكند ولله اني في حيرة وهو محتار معي وده ياخذني ونعيش عائلة زي باقي الناس ولا وده يظلمني يقول لو جيتي بجلس معك 4 ساعات او اقل وارجع انام وهو ولله يستاهل الي يتعب له بس يقول شوي خطر اني يومين امسك خط رايح جاي وطبعاً ادري بوضع دوامه من اخذته وحاليا يبي بيت ولا يدري وين يشتريه يقولي لو بتجلسين بالرياض خلاص اشتري هناك ونأسس حياتنا هناك ولو يشتري في اقرب مدينه حوله تبعد عنه ساعه و 40 دقيقه يقول ماراح اقدر اجيك كل يوم ولا ادري وش اسوي في كل الحالتين تعب عليه وعلي بقدر اربي عيالي وهو مايجي الا ويكند بقدر اصبر في الحياة عنده ولا الحياة عند اهلي طبعا في الرياض بيحط لي شقه قريبه لبيت اهلي مابعيش عندهم واقدر اروح لهم برجولي ماني عارفه وش اسوي اشتاق له اذا راح واخاف اتعبه اذا جيته
والمشكلة الثانية رحنا قبل فترة نحلل ليه تأخرت في الحمل طلع عنده مشكله وتحتاج علاج وحنا اساسا العلاقة بينا ماتصير الا ويكند الله يشفيه شفاء لايغادر سقماء احتماليه الحمل ضعيفه والله يزينها من عنده يارب
ارشدوني ماقلت لأهلي عنه شي ولا هو قال لأحد ولو طال الموضوع بحطه فيني مابي احد يسمعه كلمه تزعله نفسيا جداً تعبانه في حيرة مايدري فيها الا رب العالمين
hkrgi lui ,gh h[gs uk] higd
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك