الموضوع
:
(صنع بيدي ) صينية كنافة محشية لعيون اسرة ترايدنت
عرض مشاركة واحدة
#
1
07-17-2014, 02:12 AM
منتدى ترايدنت
عضو مميز
تاريخ التسجيل: Jul 2014
المشاركات: 6,723
(صنع بيدي ) صينية كنافة محشية لعيون اسرة ترايدنت
السلام عليكم و رحمه الله و بركاته
كل عام و انتم بخير بمناسبة شهر رمضان و نسال الله فيه ان يتقبل منا صيامنا و قيامنا امين يارب
و النهارده انا جايه اشارك معاكم في ( صنع بيدي ) :showoff:
كان نفسي اصور لكم عزومة كبيرة من ايدي لكل اعضاء ترايدنت انما للاسف لظروف قطع النور المستمر :tears::tears:يادوب قدرت اصور لكم صينية كنافة محشية بالمهلبيه و جوز الهند ...
علي فكره الفانوس ده من صنع ايدي كمان و بقاله عندي 4 سنين و كل سنه انا بجدده قبل الشهر الكريم بيبقي عامل جو جميل جدا في البيت ..
يلا بقي ندخل عالكنافة و علي فكره انا اخترت اعملها بالمهلبيه بدل القشطة علشان تكون اخف و مناسبة للي بيعملوا الدايت برضه :icon31:
المقادير
كيلو كنافة
نص كوب سكر
كوب سمن او زبدة
لحشوة المهلبية
نص كيلو لبن حليب
3 ملاعق كبيرة نشا
نص كوب سكر
جوز هند
لعمل الشربات
كوب ماء
2 كوب سكر
نص ليمونة
فانيليا
طريقة التحضير
بسم الله نقطع الكنافة كويس جدا و نفكها بالسمنه و نحط عليها السكر
ناخد الصينيه اللي حتعمل الكنافه فيها و نضع فيها زيت او سمنه اي حاجه علشان الكنافه مش تلزق في الصينية
نحط او طبقه من الكنافه و ندخلها الفرن لما تاخد لون احمر جميل
نطلع الصينيه و نضيف لها المهلبيه بجوز الهند
ثم نضع بقية الكنافه و نرش عليها بقيه السمنه
و ندخلها الفرن حتي تاخد اللون الاحمر الجميل
لم تخرج من الفرن اسقيها بالشربات البارد و تحذير لا تستخدمي للكنافه شربات سخن ابدا
و دي اجمل قطعه كنافه لعيون اسرة ترايدنت
اتمني تكون الكنافه عجبتكم و اتمني اللي تعملها و تعجبها تدعي لي بظهر الغيب يسترها معايا و يبارك لي في اولادي و يرزقني بالرزق الحلال امين يارب
سامحوني لان النت ضعيف جدا فلحظات و يكتمل رفع الفيديو ان شاء الله و اضيفه لكم هنا
و كل عام و انتم بخير ...
ساعد في نشر والارتقاء بنا عبر مشاركة رأيك في الفيس بوك
منتدى ترايدنت
مشاهدة ملفه الشخصي
إرسال رسالة خاصة إلى منتدى ترايدنت
البحث عن المشاركات التي كتبها منتدى ترايدنت