البرود الحاصل بيني وبينه
 

السلام عليكم
متزوجة من سنة ونصف تقريبًا وعندي طفل

زوجي كان على علاقة سابقة طويلة عرفت عنها وانهرت بعدها انهيار كامل حقيقة
لشيئين
1- احبه
2- ممكن اتقبل اي رجل بماضيه ماعدا الرجل الي عنده علاقة طويلة بإمرأة بشكل غير شرعي

هنا انا اقول ستوب ونكست ستب مافيها حتى مناقشه

لكن عرفت بعد حملي وهالشيء كسرني كسر شديد انا لازم افكر مليون مره عشاني وعشان طفلي

فتحت الموضوع مرتين معه لكن قلبي مابرد
لكن قسيت على نفسي مهما كان الحياة فيها مصايب اكبر بكثير لانخرب حياتنا بهالامور خصوصًا انها ماضي

في هالفترة اصابني خوف شديد من بيتي
كنت اخاف اذا شفت اي شيء له علاقة فيه
كنت اخاف اذا نمت جنبه
اخاف ادخل غرفة النوم
اخاف افتح كتبه ودفاتره اخاف القى شيء ثاني يكسرني
مكتبه مستحيل اقرب من عنده مهما كان

اصبت بارهاق شديد لاني ماكنت انام
واذا بغيت انام كنت استخدم منوم، و3 الى 4 ساعات وبعدها اصحى

صرت ما افهم نفسي حقيقة وليه كل هذا يصير فيني بسبب معرفتي بماضيه!

الي خلا كل شيء ينهد مره وحده
اكتشفت انه يتابع اخبارها حتى وانا عنده
يشيك على حساباتها ، يعني حرمه متزوجه وعندها طفل وانت شخص متزوج وعندك طفل
وفوقها كياني انا ك مرأة احترمتك وصانتك وخافت الله فيك في الخفاء قبل العلن

كل هالامور ما ردعتك؟

طبعًا بعدها اصبت بكره شديد له
ونفور واحاول انتقم من نفسي بطريقة غريبة عجيبة
من يدخل البيت لين ينام وانا بس ابيه جنسيًا

صرت احس ابي افرغ فيه واستفيد منه بهالجانب فقط

تعبت من وضعي ابي قلبي ينسى ويسامح بس ماقدرت كل ما اشوف وجهه اتذكر
قسم بالله حاولت ماقدرت ما قدررررت
كرهت بيتي كرهت كل شيء فيه والله العظيم اني ما انام براحه الا في بيت اهلي

بيتي اعتبره كابوس خاصة غرفة النوم اخاف منها
تكفون حسوا فيني احس قلبي يعورني اذا دخلتها
خوف شديد يخليني ما اعرف انام

صرت اخاف منه ومن بيته ومن كل شيء له علاقه فيه

ماعندي رغبة ارجع لبيتي ابد

ارشدوني




اضغط هنا للذهاب لعنوان موضوعنا...