اختي تطلع عني كلام
 

متزوجه ولدي طفلين وانا الأخت الوسطى من خمس خوات غير شقيقات
انا من النوع المسالمه والطيبه واللي دايما في حالها

اختي اللي اصغر مني عمرها 38 سنه ولديها أبناء
لها شخصيه وتأثير قوي جدا على الاقارب
وفي محيطنا وفي مجتمعنا

علاقتي معاها فيها من : الاحترام والرسميه

اختي قدامي ما في احسن منها وخاصة بس نكون لحالنا , واللي يشوفها يقول طيبه ونشميه
بس من وراي حيه والله حيه .. ومنافقة وفتانة بالبشريه
تقعد تفتن بين هذا وهذا وبالاخر تطلع نفسها
على انها واسطة خيير

جاني خبر انها > تفتن علي
و موصلة للناس كلام غلط عني ..

لدرجه انها صارت
تاخذ اخباري من مشعوذينها تقول
وهي قاعده تكشف وتسال مشعوذينها
عن فلانه اذا > انا حسدتها او عطيتها عين !!
هو كذب ودجل

تقول عنّي انّي انا عيّانه وأعين الناس > شوهت سمعتي
سنين وهي تشوه فيني وانا ساكته
و انا طناش وكبرت راسي .

هذا موصحيح حسبي الله ونعم الوكيل فيها
اغلب اقاربي القريبين منّي > يعرفون اني ما أعين ولا احسد
ودايما اذكر الله وأقول ماشاء الله .

لكن هي مصممه تطلّع عنّي اشاعات وسمعة سيئه

الى ان حسيت ان الناس صارت تخبي عني قصصها واخبارها
بالمناسبات والعزومات .

تخيلو حتى الاقارب اللي من طرفها يكونون زينين معي وفجأة يتغيرون
تمسكت بالدعاء ليل نهار الله ينصرني على من ظلمني
ايش الحل أنا ما أحب أقاربي يشوفوني في هالنظره والفكره السيئه
خاصة في التجمعات احس بحرج ..
وكيف ابين للناس أني كويسه ..
واني أنا ما أعين مثل ماتقول اختي اللي شوهت سمعتي ..

تخيلو حتى بنت خالتي تزوج اخوها وتعرض حالاتها
في الواتس اب للناس بس انا تخفيها عني !!
تألمت شديد منهم مادري عن اخبارهم الا من الناس .

المشكله ان الناس صارو يبعدون عني بدون سبب
الكل ماخد عني فكرة اني أعين واحسد، والناس في نظرها اني وحيده و ضعيفة شخصية
وهذا غير صحيح .. بس كله بسبب اختي
اللي قاعدة تعطي الطعنات بظهري

ابغى اواجهها
بس علموني وش أقولها انا مابغى اخسرها
ابغى أتكلم معها بطريقه حضاريه ؟ ابغاها توقف اشاعات علي
وتوقف الكلام و الثرثره عنّي..

الله يسعدكم قوولي وش أقول لها وعلموني وش اسوي انا اثق بآرائكم




اضغط هنا للذهاب لعنوان موضوعنا...