استهلاك اهلي لطاقتي + خوفي من موقف زوجي تجاههم
 

أنا إنسانة من قبل سن البلوغ أشارك بأعمال المنزل وبحكم اني اكبر واحدة في البنات كانوا يشوفوني مسؤولة حتى قبل سن التكليف الحقيقي وكان لي النصيب الأكبر من واجبات المنزل من تنظيف وترتيب وطبخ الى أن تزوجت وانتقلت لبيتي واصبحت مسؤولة عن بيتي لاحظت إني بالإضافة الى شغل بيتي مازلت مسؤولة عن كثير من المهام أمي كبيرة صح واخواتي متزوجات في مدن ثانية صح لكن أشوف إن الموضوع فيه حلول وبدائل إنسانية لو كان اهلي يعتبروني إنسانة لها طاقة وقدرة وسقف تحمل معين
اخواني عرضوا على إمي يستقدمون لها شغالة وقالت خايفة منها قالوا لها شغالة بالساعة لو في الأسبوع مرة ورفضت هيه والوالد بحجة إني موجودة معهم في نفس المدينة واجيهم في الأسبوع مرة !! اجي ابغى ارتاح عندهم نص نهار والله ما ارتاح الا بداية الزيارة وأقضي باقي الزيارة غسيل أرضيات وحمامات وترويق المطبخ
ولو فيه غبار مسح التحف والمراوح .. ومسح تلاجة واشيك على فلاتر المكيف على فترات
ويكون الشغل كثير متراكم لو احد زارهم بنص الأسبوع
يا ناس تعبت والله
مو معقولة الوالد مستكثر يودي الملابس البيضاء للمكوجي .. اجيهم سلة الغسيل حق الأسبوع كامل في إنتظاري + كوي الملابس البيضاء منها
الشئ الثاني لما يكون موعد إجازة الصيف والناس من المدن الثانية يجون إمي تتصل بي فلانة جاية تعالي خذي مفتاح شفتها من عندي اسبقيها نظفي وبخري لها بيتها !! تقصد اختي أو زوجة اخي
صحيح انه هذا امر نادر خلال العام لكنه مرهق لي .. مرهق لي افتح بيت مقفل من شهور وانفضه ومحرج لي حتى قدام زوجي يوصلني لبيت اهلي استلم مفتاح بيت فلان وفلانه انظف هناك وهناك حتى انه يلمح بكلام
والأخوات يشوفوني ويشكروني وكنا بناخذ شغالات أو عمال بس امك حلفت علينا

الموضوع هذا عايش على خجلي وحيائي ومش بس حياء بل تخوف من ردود ف اهلي لو اعتذرت لأن زمان كانوا اهلي مسافرين لفترة والوالد اتصل طلب مني اسبقهم على البيت انظفه اعتذرت بأن ولدي رضيع
فما تقبل اعتذاري وقال خليه عند ابوه يمسكه وش تبغين ترجع أمك من السفر تشتغل في البيت
استحيت لحظتها اقول لأبويه مو شرط امي تشتغل انت جيب عامل بمبلغ بسيط يغسل البيت
حصلت فترة الحظر وكلهم مسافرين وكنت سعيدة ارتحت من استهلاكي وإستنزاف طاقتي
اتصلت امي قبل شهر وقالت زوجة اخوك بتجي لشقتها اسبقيها نظفي وبخري قلت لها عندها خادمة بتنظف قالت بيوصلون تعبانيين من السفر والبيت غبار سبحان الله حتى الخادمة مايبغونها تتعب مثلي ..
عندها قررت اقوي قلبي شوية وبينت لأمي بأسلوب لطيف إني ماعدت امتلك حيل لكل هذا وإن زوجة اخوي وكيلة راتبها عالي وعندها خادمة ولو تعبانيين يطلبون بالساعة تخدمهم مؤقتا حتى يزول عناء السفر
وقلت لها أنا بنتك اولى برحمتك وحنانك والله ماعدت املك قوة لكل هذا شغلتوني خادمة للجميع بداعي وبدون داعي وحسيتها تفهمت .. لكنها للأسف ما تفهمت لأن الوالد اتصل بعدها بكم يوم وقال جايين بيتنا بعد فترة البيت يلغالة صيانة كاملة .. تخيلو يقول صيانة
غايبين عنه من أول يوم للحظر .. رحت طليت يا للهول يبغاله عمال كأنه مهجور وفيه منافذ تركوها مفتوحة دخلن منها الحشرات والجرذان غير التراب والبهدلة على السطوح وجدت حمام ريشه منثور لدرج !!!
يحتاج عمال نظافة مو أنا المسكينة
تخيلو وش كان رده .. قال ما نبغى عمال يدخلون البيت فاضي ويعرفون انه خالي من السكان ممكن يطمعون بالعودة وسرقة الأجهزة والأثاث !!! انت جيبي مبيد للحشرات وسم للجرذان رشي البيت وقفليه وبعد كم يوم ارجعني نظفي كل هذا وغسلي المفارش والبطانيات .. قلت له مقدر وحدي قال تقدرين كل يوم اشتغلي شئ عطيتك علم قبلها بفترة أو شغلك في بيت زوجك راحة وشغلك في بيتنا تعب .. وقال لي رجاء ما ابغى اعذار زي اعذارك لأمك لما طلبت منك تنظفين بيت اخوك وزوجته وانت كسفتيها بعد ماعطت الناس كلمة
المهم كلمت زوجي في الموضوع ورفض وقال لما يتصل ابوك أنا بتفاهم معه ماني موديك وبكيفي وأنا اتحمل المسؤولية .. يعني التتش الآن بيكون بين زوجي وأبوي .. حلولكم




اضغط هنا للذهاب لعنوان موضوعنا...