السلام عليكم
مشكلتي مدري ايش حلها صراحه .. او هي مشكله او ايش تسمى , المهم

انا متزوج تقرييا الحين صار لي 6 شهور بس

اعرف ان المده جدا بسيطه وانه طبيعي في بداية الحياه تصير مشاكل او اختلاف وجهات نظر

لكن بالنسبة لي المشاكل في ازدياد

كل ماراحت عند اهلها ترجع متغيره تماما علي

انا عارف ان اهلها يملون راسها كلام ويغيرون فكرها

هي اعترفت لي في بداية زواجنا انها كانت تلقى ضغوطات من اخواتها وامها انها ماتكمل الملكه وتطلب الطلاق وهي ماسمعت كلامهم وقالت لا ابيه وبتزوجه

علما بان امها خلعت زوجها
اخواتها متسلطين على ازواجهم بشكل كبير
واختين مطلقات , تطلقو في ايام الملكه


لانه في ايام الملكه لما كنت اروح بيتهم اخدها نطلع او اجيب اكل ناكل مع بعض تجي امها وتحاول فيني اني اسكن معهم بنفس العماره مثل باقي بناتها كان في شقه مو مسكونه
وانا دايم اجابتي انه انا بنيت لي بيت عشان ارتاح من الايجار , ونفس الشي يجي ابوها يقلي تعال اعطيك شقه عندي اقله نفس الشي انا عندي بيت وملك الحمد لله


مره وديتها بيت اهلها وحصل اني خالطت واحد من الزملا كان مصاب بفايروس كورونا والعمل اعطاني اجازه اسبوعين الي الحجر المنزلي
قلت لها انها تقعد عند اهلها الاسبوعين هدي احتياطا لسلامتها لو لاسمح الله كان فيني شي ما تنعدي مني

خلصت الاسبوعين واتصلت عليها قلت انا جايك وجيتها ودخلت عندها قالت ماراح ارجع اليوم خليها بكره عشان صديقتها عندها وماتبي تطلع وتخليها

قلت اوكي مافي مشكله بكره راح اجيك

اليوم الثاني اقوم من النوم العصريه حصلت مكالمات من ابوها اتصلت عليه
قالي انت وشفيك على البنت ؟؟؟ ليه ماتهتم فيها ؟ ليه ماتعطيها؟؟ ليه ماترد على اتصالاتها ؟
قلت له تتصل وانا نايم وادا صحيت اتصل عليها تكون نايمه او طلعت امها للسوق او اي مكان وتقول ادا رجعت تتصل فيني وما تتصل
قلي المهم تعال وجيب معاك 1000 ريال
قلت له ليش 1000 قلي مصروف لها
قلت له اوكي الحين مشغول اخلص واجيك
ومارحت
لان الموضوع ادا معي 1000 بترجع بيتها ادا مافي ماراح ترجع
علما اني ما اعطيها مصروف لكن مو مقصر معها في اي شي ابد
اي شي تطلبه اجيبه لها

المهم بعد اسبوع ومع طلب الوالده مني اني اروح
رحت واخدت معي امي وقعدنا

قبل اروح اتصلت علي وقالت لي انا ماعاد ابي اكمل معاك

احنا لازم ننفصل .... طلقني
وادا جيت ماراح ارجع ترا لا تجي وتتعب ننفسك

ضحكت لها في الجوال وقلت لها انا جاي عشان ابوك بس


في البداية قالت لا ماراح ارجع حتى يراضيني بدهب
وقلت لها انا ماراح اقصر معك في اي شي
بس لازم تقدري ضروفي
طالع من بنى كلفني اكثر من 100 الف وبعدها زواج وبعدها سفرية شهر العسل برا المملكه
لسى اموري الماليه في النازل

واتفقنا انه كل شهر راح اعطيها مصروف الي اقدر عليه

ووضحت له ان الفتره الماضيه قبل 3 او 4 اشهر اعطونا اجازه من الدوام ويصرف لنا نص الراتب بس

المهم رجعت معي بعد ما اعطيتها 1000 ريال

انا عشان مايكبر الموضوع ويتعقد عشان شي زي هدا


رجعنا البيت وامورنا تمام ونروح ونجي ونضحك وكل شي تمام

حتى قبل كم يوم كنا في الطريق ع بيت اهلها وكنا نمزح مع بعض قي السيارة نضرب بعض وادفها طبعا كله مزاح وضحك

وحصل اني دفيتها مع وجهها قامت تقول تضربني كف !!!! انا انصدمت قلت لها قاعدين نمزح

قالت وديني بيت اهلي نزلتها

ورحت اخدت لها عشى وجيت اعطيها وطبعا قالبه وجهها

وقلت لها الحين مو كنا نمزح ايش الي خلاك كدا ؟

قالت اسمع ياخي طلقني

قلت لها لا ماراح اطلقك
قالت يمكن تلاقي الي تسعدك وفكني انا

قلت لها طلاق ماراح اطلق

مو عاجبك روحي المحكمه واخلعيني

قالت لا انت طلقني قلت طلاق مافييه

شوي تقول ادا تبيني ارجع تراضيني بدهب:upside:

المهم طلعت من عندها

واليوم بجي اكلمها في واتساب طلعت مسويتلي حظر :eat:

المهم انه تفكيرهم كله يتعلق في الماده اكثر من الاستقرار والستر


طبعا مابي اطلق انا لانه وبصراحه الزواج جلدني مصاريف كثير وماراح اقدر اجيبها مره ثانيه في المستقبل القريب


مشورتكم وايش تشوفو الانسب