كيف اتخلى عنه
 

السلام عليكم


متزوجة منذ 14 عام لدى اطفال
اريد النصيحة
ودي اوصل لكم احساسي ومشاعري عمري ما تخيلت
اني اقاسي كل هالامور اتعجب من نفسي كيف صبرت
ودي بمساعدة اكثر من النصيحة ودي اتحرر من اكاذيب
زوجي اللي حطمني فيها ودي فعلا اعود قوية مثل السابق
افكر احيان ودي اصدق ان فعلا هو السئ بدل عن انتقاده
اللي يحسسني اني سيئة
احيان افكر انفصل عنه ودي بصدر دافي بشخص يفهمني
شخص اشعر بالامان معه ما تتخيلون انا صدق متزوجة
لكن انا بحاجة رجل في حياتي ليه زوجي ما يكون هذا الرجل
ما اعرف ليه رافض ليه يدفعني انفصل عنه تعبت وانا الوم
نفسي على كل شي فيني معقول ما احد يحبك لاجل روحك
لاجل انك حنون او قلبك طيب ودي احد يقولى العيب فيه ماهو فيك
من كثر ما يقولى انتي وانتي وينتقدني صرت ودي اكون مع
غيره انا ما ابي رجل وسيم يغتر بجماله انا ودي برجل يحتويني
14 سنة وانا اعيش مع رجل احاول اثبت له ان انا ما ينقصني
شي وان انا اناسبك يوم اكون عند اهلى وارجع بيتي ويلمسني
ارجف معقول ما يحس كم احبه وكم تحملت عشانه اشياء
تزوج مرة وحدة ثانية وانفصل عنها والمني كثير كثير وكنت ابي اسمع منه انها نزوة
انها غلطة قلبه قاسي جدا ودي اتخلى عنه احس انه اذى لنفسي
دائما يجرح قلبي بلطفه مع البنات في الشارع واحساسه بهم
وانا اخر انسانة يرحمها افكر اتخلى عنه وعن عذابه
عمري ما قدرت اعيشه ولا هو عمره ما اعطاني الفرصة اعيشه
يوم تزوج مرة ثانية كنت اشوف كذبه وخداعه لها كنت اسال نفسي ليه تزوجها
كنت اتمني لو يواجهني بشي يمكن اعدله فيني
يوم بكيت وانهرت يوم تزوج سالته عن السبب قال لانك عصبية ودي اتخلى عنه
جرحني وعلى كثر الفرص اللي اللي جاتني اتخلى عنه ما قدرت
بدات اشعر كل شي كذب يقوله حتى يوم يقول الان احبك احيان
احسه كذاب في كل كلمة يقولها احيان ودي اجرح قلبه نفس ما جرح قلبي
عشان يعرف وش يعني مشاعر ودي انتقم منه ودي يشعر بكل لحظة
كنت انتظره فيها وانا واثقة انه راح ينظر لي باعجاب وهو نظر لي فيها
ببرود وتجاهلني وودي انتقم منه عن كل لحظة جرحني فيها
ودي اقوله انت اسواء شي صار لي بحياتي وانا ما كنت احب زوجي يكون لونه ابيض
ولا يجذبني الرجل الاشقر ولا كنت احب الرجل الاصلع ولا احب الرجل السمين لكن
احببتك حتى اني ما رايت هذه العيوب

انتظر منكم النصيحة كيف اتخلى عن الرجل الذي احببته




اضغط هنا للذهاب لعنوان موضوعنا...