ماعرف إذًا يحبني او يحب فلوسي ..
 

انا متزوجه من 4 سنوات تقريبا اخدت زوجي عن حب وعندي طفلين منه والحمدلله مرتاحه عندنا مشاكل كثيره مرينا فيها بس الحمدلله نقدر نقول اتجاوزناها انا موظفه وراتبي ممتاز وهوا راتبه ممتاز الحمدلله ولاكن مايجمع شي ابدا يده مرا فرطه وانا مثله يعني راتبي عالي وراتبه كمان لا كن دايما نهاية الشهر ماعنده وياخذ من عندي مثلا لمقاضي البيت والمستلزمات الأساسية .. بعد المشاكل اللي مريت فيها بدأت استوعب أني بعطيه وهوا مايستاهل ولازم ابدا امسك يدي ..
انا مرا ماعندي مشكله من زمان بس السنه الأخيرة حسيت انو في استغلال يعني زي ماهوا بدفع يبغاني ادفع طيب انا ماقلت شي والحياة مشاركه بس احس انو صار غصب عني ..
المهم قلت لازم ابدا اجمع وأشيل شي للمستقبل لانو مهما كان يحبني الرجال مالهم أمان ..
وفعلًا كل فتره اسحب من حسابي واجمع ..
الا ان اتجمع مبلغ عندي في البيت ومو عارفه فين اوديه وخايفه يكتشفه ..
ومو حابه اعطيه احد من اهلي لاني مابغا افهمهم انو زوجي بيستغلني..
وهوا فعلا بدا الموضوع يسير استغلال ..
مابغا افتح حساب جديد وأودع كل شهر لانو ممكن يمسك جوالي ويعرف بالتحويلات ..
ايش تنصحوني ؟؟ فين اجمع فلوسي ؟
او أتوكل على الله واعطيها أمي ؟ مع انها اكثر من مرا لمحت على زوجي انو يستغلني ..بالله شورو عليًا لانو الموضوع مرا مأزمني .. وبدات احس انه مايحبني واخدني طمع ويارب يكون إحساسي غلط




اضغط هنا للذهاب لعنوان موضوعنا...