افكر بالانفصال ( تعديل العنوان )
السلام عليكم ورحمه الله وبركاته
بدخل بالموضوع أتمنى منكم مساعدتي انا متزوجه عندي ولد وحامل الحمد لله عمري 29وزوجي 33 متزوجه لي 4 سنين مشكلتي زوجي غير مستقل بشخصيته ما يتخذ قرار من نفسه لو قرار بسيط جدا طبعا ماعندي خصوصيه ابداااا كل شي يقوله لامه من اصغر شي لأكبر شي حتى لما نخطط لحياتنا لازم أهله يعرفون ولازم لهم الكلمه الأخيرة بحياتنا انا عنده مجرد شخص ينفذ رأي أهله حتى لو شي يخصني ☹ راتبه لازم يعطي أمه نصفه كم مرا يحتاج ولدي علاج او اَي شي لبيت أساسي نتوهق مافي فلوس ماعندي مشكله يعطي أهله من راتبه بس ما يأثر علينا وكثير نواجه مشاكل والسبب الأساسي هو يقول قبل أتزوجك كنت اعطيها ماراح اتغير عليها قلت عطها بس اذا يأثر وازن الأمور مع العلم أهله ماديا فوق الممتاز والله يزيدهم كل شهر لازم يصير موقف ويكون صعب قلت لازم تلقى حل طبعا انا أعيش على كيف أهله ما في تصرف بحياتنا من غير يرجع لهم بعض الأحيان احتاج افضفض لزوجي اتعب ما اقدر لانه لازم يقول لاهله طبعا أهله يقولون لي بطريقه انهم يعرفون ومواقف تبين هالشي وطبعا كل يوم لازم يروح لاهله يطلع من دوامه الظهر يتغدا عندهم كل يوم وما يرجع الا 7 بالليل وإذا رجع يكون وده يرتاح وينام ماعنده شي يقوله او نسولف لانه خلاص اكتفى وسولف معهم ويومين بالأسبوع لازم اخوياه. يروح لاهله الظهر وبعدين يروح لاخوياه ويرجع 1 بالليل ما احس بوجوده تعبت تكلمت مافي فايده افكر انفصل عنه بسببه مافي امان مادي ولا خصوصيه تكفون قولولي ايش الحل 🙏🏻 المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين ht;v fhghktwhg ( ju]dg hguk,hk ) اضغط هنا للذهاب لعنوان موضوعنا... |
الساعة الآن 04:25 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
mamnoa 2.0 By DAHOM