ضحية زواج تقليدي
 

السلام عليكم
ماودي اقول ضحية بمعناها الكامل
لكن ماعندي قدرة او سيطرة ولو جزئية في الحديث عن وجهة نظري
كنت اشوف ان الافضل قبل الزواج يكون الطرفين عارفين بعض
راغبين في بعض، مو بالضروري يكون بينهم مايتبادر في اذهان البعض
المقصد يكون قريب من العائلة او شخص موجود في مكان العمل او ايًا كان
كل واحد فيهم بمعنى اصح "اختار" الطرف الثاني
تزوجت تقليدي تحت ضغوط اهلي الغير مُباشرة وانا لايمكن أدمر حياتي نفسيًا
عشان اتمسك بوجهة نظري وهي اني اختار شخص انا ابيه..
لاني لو مشيت على رأيي راح اعيش في جحيم قاتل مثل مانا قاعده اتجرع جحيم اني اخترت
تخصصي الي ماعجب اهلي، 5 سنوات شبه يومي انذل بسبب هالتخصص وهذي حكاية ثانية
اسأل الله ان يكتب لي الاجر ويصبرني على الباقي
تمت الخطبة ثم الملكة وتمنيت ولو شيء بسيط ان الولد على الاقل يعرفني
ويعرف مين انا لكن الي حصل انه جاي عشان سيرة اهلي وانهم ناس قديرين والى اخره
برضو اكتشفت ان ابوي وربما بالغلط هو من بادر حتى ان الرجال ماكان يدري ان اهله خطبوني له
كل هذا وللحين عادي
ماجاني منه ضر وبالعكس انسان صالح ذا شخصية مُتزنة وعقلاني الى حد ما.
لكن يوم عن يوم صرت احس تقديره فقط عشان شكلي وعشان مُسمى زوجة
وصرت احس بالتقزز من هالفكرة.. كل كلامه عن الشكل وانه يبي يتزوج باسرع وقت
صرت احس بالملل واحنا تونا في البداية، وماودي اسبب له اي شيء هو ماله دخل فيه
ماله ذنب انه ارتبط بوحدة مجبورة من اهلها وتملك فكرة مختلفه تماما عن الزواج
وانا مالي ذنب اعيش الكابوس هذا كله عشان ارضي اهلي
الحل بين يدين رب العالمين.
الحمدلله الزواج رزق والرجل الطيب والصالح رزق
لي 4 اشهر اجبر نفسي على الرضا بالقضاء والقدر لعله يكون اصلح لي
لكن خايفة من الندم خايفه
ماكان ودي يزوج ينظر لي باني شخص صالح واصلح اكون ام عياله وبس
لكن الحمدلله على كل حال، وبالنسبة لي ماقصرت معه لابكلام ولا بتعبير وشعور رغم انه مايعطيني على قد عطاي لكن مومشكلة
ادعولي لعل احد منكلم مُستجاب الدعوه




اضغط هنا للذهاب لعنوان موضوعنا...