زوجتي عرفت بكل خياناتي ساعدوني
 

السلام عليكم ورحمه الله وبركاته
انا متزوج وعندي اطفال ولله الحمد وزوجتي
انسانه طيبه وخدومه تخدمنا انا والاطفال والبيت على حساب صحتها والاهم صبوره ماتتشكى
وبصراحه انا احبها بس الشيطان لعب براسي للاسف من بدايه الزواج بدت البرامج وكان عندي حب استطلاع فقط ولكن تطور لعلاقات وكشفتني وزعلت ومسحت البرنامج وفتره حملت برنامج ثاني
وكانت مجرد سوالف بنات ودرت هي وزعلت وتكرر هذا الموضوع لعده برامج وكلها كانت مجرد سوالف وهم يرسلون صور لهم وشافتها زوجتي المهم مره دق علي صديق لي قال ابيك تروح معاي شقه بيقابل خويته وابيك معاي مجرد مرافق ورحت معه وكان فيه بنتين مو وحده وماسويت شي انا مجرد سوالف المهم عدت ايام وبيوم صديقي ارسل لي بالواتس اب صوره لي وبجنبي البنت اللي بالشقه وانا لاف وجهي لها بالصوره شفتها وجيت بدق عليه بس وقتها كنت بحلاق احلق ولدي وقلت اذا خلصت بدق عليه طلعت من الحلاق نسيت الموضوع رحنا البيت سالتني زوجتي ماصورت ولدي وهو يحلق قلت الا شوفيها بالاستديو ارسليها لك خذت جوالي وراحت للاستديو وللاسف شافت صورتي وبجنبي البنت انهارت طبعا وصياح وزعلت قلت نتفاهم رفضت قالت مو اول مره والشك بقلبي خلاص مايروح من زمان اعاني منك وكلام كثير المهم من هذاك اليوم هي مطنشتني ماكأني موجود بالبيت تسوي جميع الواجبات بس بدون كلام الا اشياء تتعلق بالاطفال واختفت رسايلها اول ترسل لي كلام حب وشوق وتسال اذا انا بالدوام الحين نهائي صدت عني وقالت انا بجلس عشان الاطفال لايصيرون ضحيه افعالك واذا تبي تطلق طلق بس امن لي بيت وانت كيفك انا صراحه مابي كل الحلين ابيها ترجع مثل اول ماني عارف كيف واذا طلبتها للعلاقه ترفض رفض قاطع واقولها حرام تلعنك الملائكه تقول وافعالك دمرتنا مو حرام ؟ انا ان شاءالله تغيرت بس هي ماتصدق ولا تبي تناقش وتقول خلاص ماعاد تهمني سو الي تبيه وانت خاين من اول زواجنا وانا اشوف كل فتره خيانه وساكته اخرتها شقه مهي راضيه تصدق انها مجرد سوالف وابيها ترجع مثل اول وهل اذا طلبتها للعلاقه وترفض حرام ولا لا .. افيدوني الله يرضى عليكم باني حاولت معها مانفع ..




اضغط هنا للذهاب لعنوان موضوعنا...