والدي يرفض جميع المتقدمين للزواج !
 

السلام عليكم ورحمة الله وبركاته

والدي هداه الله متزوج مرتين وأنا بنته من زوجته الثانية ، السالفة بإختصار تقدم لي ولخواتي خطّاب واجد ولكن كل مره يرفضهم بأسباب غير مقنعه منها سالفة ما في تكافئ بالنسب وغالباً رفضه عشان هذا السبب!!
علماً بأن بناته وعياله اغلبهم متزوجين وهم اختاروا زوجاتهم بأنفسهم والله العظيم جميع زوجاتهم فعلاً ما في بينا وبينهم تكافئ بالنسب ومع كذا يقول أنهم أصيلين وشيوخ ، طيب أنا وخواتي الي تجاوزت أعمارهن 30 سنة ، كل مره يتقدم شخص لنا متعلم ومحترم وأخلاق ومافي تشكيك بنسبه يررررفض وبشكل قطعي .. عياله وبناته الثانيين من أول مره يوافق بدون هالكلام والتعقيد الي يسويه فينا .. حسبي الله ونعم الوكيل

كيف نتصرف معه علماً بأن حتى أخوي عمره 30 سنة متضرر معنا!

الوالد كبير بالسن ولكن سليط نوعاً ما علينا ويقول مالكم نصيب طيب تعبنا واحنا نقوله ليش تتصرف معنا كذا وناسي عيالك الثانيين تتدخل بموضوع زواجاتهم وترفض وقت ما يكون فعلاً ما في تكافئ بالنسب ولكن بالواقع يكون ردت فعله معهم هو القبووول لجميع زواجاتهم بدون أي رفض !!

تقدم لي شخص قبل ثلاث سنوات وصار بينا شوفة شرعية وبعدها رفضه رفض قطعي بحجة تكافئ النسب .. والله تضايقت وأنا اشوف حالي صار مثل حال خواتي .. الحين لو تقدم لنا شخص ورفضه (تكافئ النسب)

عطوني حلول الله يجزاكم خير وادعولي بتيسير الزواج مع خواتي واخواني قريب بإذن الله




اضغط هنا للذهاب لعنوان موضوعنا...